JOSUÉ 5:6 - Wuj Pa K'ubultzij

⁶ I Dios usujum te'eq chke i katit kimam i aj Israel chi kuya jun utz laj ulew chke man chila che i ulew le lik o i leche xaq uwa'al kab' lik keje pacha i ya kb'inik. Xwiri i aj Israel chi xe'el li pa Egipto xkiqel i Ajwal. Rumali Ire xusaqij chke chi kkil ti uwach i ulew le. Rumali xeb'aytaj kawinaq (40) junab' pa tz'inilik jyub' chaqij, rumali konojel achiyab' chi je yij te'eq che i ch'oj are xe'el Egipto ya je kamnaq chik.

JOSUÉ 5:6 Referans Kwoze

NÚMEROS 14:23

Mijun chke ike le kekila taq uwach ulew chi insujum chke i katit kimam xaq mijun chke ni'pa xkiqajsaj in-ij kekila taq uwach.

Deuteronomio 2:14

Are xoj-el che ulew Cades-barnea k'a are xqa'axuj i raqana Zered, xeik'aw wajxaqlajuj juwinaq (38) junab'. Che taq i ij le xekam konojel i achiyab' aj Israel chi je yij che i ch'oj chi je o chila che i k'ijib'al ipa je o wi. Lik x-antaj na chrij pacha xub'ij i Ajwal.

Hebreos 3:11

Rumali, xpe woywal chke, xaq xinb'ij: “Qatzij, lik kinya ti chke chi ke'ok che i uxlanem wu' yin.”

Deuteronomio 2:7

I Ajwal, chi i-Dios yix, uya'om utzil chomal piwi che ronojel ni'pa i'anom. Ire lik k'ijinaq iwu' che i kawinaq (40) junab' chi xixb'inik lik xixuchajij che i b'e che i nim laj tz'inilik jyub' chaqij le, lik nti xramtajik man is uya'om chiwe ni'pa i rajwaxik.

Deuteronomio 1:3

Che i nab'e ij re i ik' julajuj, che i junab' kawinaq (40), ma Moisés xub'ij ronojel chke aj Israel ni'pa xub'ij i Ajwal che ire. Chuxe'el ile ma Moisés xuch'ak ma Sehón chi ajawinel ke aj Hamor chi o te'eq chila pa Hesbón xaq ma Og chi ajawinel re i tinimit Basán, chi o te'eq chila pa Astarot chi o chila che ulew Edrei.

ÉXODO 3:8

Rumali inqajnaq loq re keinto pki'ab' aj Egipto, xaq kewesaj nu b'i pu'ab' i tinimit le man keink'am b'i che jun utz laj ulew xaq lik nim uwach, che jun ulew chi ni' ti chawaj che i leche xaq che uwa'al kab' man lik olik. Chi are ulew ke aj Canaán, ke aj Het, ke aj Hamor, ke aj Ferez, ke aj Jiw xaq ke aj Jebús.

Ezequiel 20:15

Xaq chila pa tz'inilik jyub' chaqij lik xinsaqij chke chi kinya ti chke chi ke'ok che i tinimit chi insujum te chke chi lik mas chom chkiwach jub'an chik tinimit, che i tinimit le i leche xaq i uwa'al kab' lik klememik pacha k-on i ya,

JEREMÍAS 2:2

“Jat xaq chatlapan ku' i winaq pa tinimit Jerusalén, lik chatsik'in chub'ixkil man keje ile katkita. ¡Keje iri kub'ij i Ajwal! Kk'un chink'ux are k'a at ak'al winaq, lik jikil te'eq ak'ux chwe, are xin-an wixoqil chawe, lik k'ax te'eq kinana'o xaq lik xatterej chwij pa tz'inilik jyub' chaqij, chi are jun ulew chi nti tikon kuya'o.

Deuteronomio 8:4

Che i ronojel kawinaq (40) junab' le x-elab' ti i'u' xaq xsipoj ti iwaqan.

Ezequiel 20:6

Che i ij le, xinya intzij chke chi kewesaj li pa tinimit Egipto, i keink'am b'i che i nim laj tinimit chi yin intzukum chke, ile are jun tinimit chi leche xaq i uwa'al kab' klememik pacha ku'an i ya. ¡Are jun tinimit chi lik mas chom chkiwach i jub'an chik!

ÉXODO 3:17

Xaq xub'ij chwe chi kixresaj li chupam i k'ax le chi ix o wi chila pa Egipto, xaq kixuk'am b'i che ulew ke aj Canaán, ke aj Het, ke aj Hamor, ke aj Ferez, ke aj Jiw xaq ke aj Jebús. Man chila che ulew le lik ni' ti chawaj che i leche xaq uwa'al kab'.”

Joel 3:18

Che i ij le, i uwa'al uva muqb'am xaq i leche kelemem na pacha i ya chwi nimaq taq jyub', chwi taq loma xaq pa taq b'eya re Judá kkik'am nu b'i uk'iyal ya. Che i wachoch kalax ni jun ya chupam chi kuja'aj ni uwa ta'aj re i Sitim.

NÚMEROS 26:63

Are kik'iyal aj Israel ile x-etamaxik are x-ani i ajlanik rumal ma Moisés xaq rumal ma Eleazar chi ajsujul sipon, chi xki'an chila chwa taq ta'aj Moab, chunaqaj i raqana Jordán, chwach i Jericó.

JOSUÉ 5:5

Tupu konojel ike le chi xe'el li pa Egipto, antal chik i circuncisión chke, xwiri konojel ni'pa xealax pa taq b'e pa tz'inilik jyub' chaqij, ike le antal ti circuncisión le chke.

JOSUÉ 5:7

Rumali ma Josué xu'an i circuncisión chke i kak'al achiyab' le chi je alab'om, ile are xeuya kan i Ajwal pkik'exel kiqajaw man ike le antal ti circuncisión chke man rumal je o pa taq b'e.

Salmos 107:4

Man ix sachnaq te'eq pa tz'inilik jyub' chaqij, xaq xiriq ti jun b'e chi k-e che i tinimit ipa kixjeqi wi.

JOSUÉ 1:6

Chakowij ak'ux xaq chakowij awach, man yet kajach ni ulew le chke i winaq, pacha xinsujuj chke kiqajaw kichuch.

JOSUÉ 24:7

I iwatit imam are xesik'in chutz'onoxik kitob'al chwe, are uri xinkoj jun equm chkixol ku' i je aj Egipto; xin-an che i mar chi xeumuq b'ik, yix lik xiwilo wach xin-an chila pa Egipto. Te'uri k'iyal ij xi'an pa tz'inilik jyub' chaqij.