JOSUÉ 5:5 - Wuj Pa K'ubultzij

⁵ Tupu konojel ike le chi xe'el li pa Egipto, antal chik i circuncisión chke, xwiri konojel ni'pa xealax pa taq b'e pa tz'inilik jyub' chaqij, ike le antal ti circuncisión le chke.

JOSUÉ 5:5 Referans Kwoze

Gálatas 6:15

Man yoj chi oj re chik i Jesucristo, lik nti k-ono we antal i circuncisión chqe, o we antal taj. Are i rajwaxik we oj k'ak' laj taq winaq chik.

Gálatas 5:6

Man mantiox che i Jesucristo, nti k-on uri we antal i circuncisión xaq we ntaj. Ru' i ukub'ib'al qak'ux che i Cristo kqaya retamaxik i k'axnab'al k'uxij.

1 Corintios 7:19

Nti k-ono we jun antal circuncisión che xaq we ntaj; are i rajwaxik, chixkojon che i taqanik pacha ub'im kan i Dios.

Romanos 2:26

Jun winaq, we antal ti circuncisión che, xwiri we ku'ano pacha kub'ij i ujer atb'al tzij re mam Moisés, i Dios lik ku'an ni re Ire che tupu antal ti i circuncisión che.

Mateo 12:7

Yix itom ti ub'e wach ub'im i Dios chupam uwuj. Xub'ij iri: “Kwaj Yin o ni rutzil ik'ux; are ti to' usujuxik chikop chinwach.” Keje ile tz'ib'tal kanoq. Wetene itom ub'e ile, kikoj ti uri kimak i winaq we nti kimak.

JOSUÉ 5:4

Xki'an i circuncisión le chke man i achiyab' chi je yij che i ch'oj chi xe'el li pa Egipto, xekam kan pa taq b'e pa tz'inilik jyub' chaqij.

JOSUÉ 5:6

I Dios usujum te'eq chke i katit kimam i aj Israel chi kuya jun utz laj ulew chke man chila che i ulew le lik o i leche xaq uwa'al kab' lik keje pacha i ya kb'inik. Xwiri i aj Israel chi xe'el li pa Egipto xkiqel i Ajwal. Rumali Ire xusaqij chke chi kkil ti uwach i ulew le. Rumali xeb'aytaj kawinaq (40) junab' pa tz'inilik jyub' chaqij, rumali konojel achiyab' chi je yij te'eq che i ch'oj are xe'el Egipto ya je kamnaq chik.