JOSUÉ 5:11 - Wuj Pa K'ubultzij

¹¹ Chukab' ij are xik'aw i nima'ij Pascua, i winaq xkijeq utzuqik kib' che uwach i tikon aj chila Canaán, xkitij i wa chi nti kunb'al ru' chi re paxb'al uwach i wa, xaq xkitij i k'ilim trigo.

JOSUÉ 5:11 Referans Kwoze

LEVÍTICO 23:14

Kitij ti tan wa re trigo, kitij ti tan trigo k'ilim xaq kitij ti tan raxil, k'a kisujuj ni isipon te'uri utz kitijo. Ile are jun atb'al tzij chi lik ronojel ij saq uwach chiwe yix xaq chke imuq ixikin, nti k-ono xaipa ix jeqel wi.

LEVÍTICO 23:6

Chukab' ij chi are i jo'lajuj ij re i ik' le, kijeq i nima'ij re i wa re trigo chi nti kunb'al ru' kojb'al re in ij Yin chi in Ajwal. Wuqub' ij ktijaw ni wa re trigo chi nti kunb'al ru'.

NÚMEROS 15:19

xaq are kijeq utijawik i trigo chi k-on chila, rajwaxik uri kiwesaj jub'i' che, re isipon che i Ajwal.

JOSUÉ 5:10

Are xqaj i ij che i ij kajlajuj re i nab'e ik', tz'aqat je uxlannaq chwa ta'aj Jericó i aj Israel xki'an i nima'ij Pascua.

JOSUÉ 5:12

Che i ij le xumayij li tzaqik i maná, are uri xkijeq utzuqik kib' i aj Israel che uwach i tikon aj chila Canaán, are u'ankil uri chi xkitij ti chik i maná; lik are uwach i tikon aj chila Canaán xkijeq utijawik che i junab' le.