JOSUÉ 5:10 - Wuj Pa K'ubultzij

¹⁰ Are xqaj i ij che i ij kajlajuj re i nab'e ik', tz'aqat je uxlannaq chwa ta'aj Jericó i aj Israel xki'an i nima'ij Pascua.

JOSUÉ 5:10 Referans Kwoze

ÉXODO 12:6

I chikop chi k-ulik le rajwaxik kk'ol na; k'a che i kajlajuj ij re i ik'i, lik che i ij le, rajwaxik chi konojel i alk'uwal chi aj Israel, kkikamsaj i chikop le are kqaj i ij.

Ezequiel 12:3

Rumali, chayijb'a ronojel ni'pa i rajwaxik chawe man katelsax b'i pa cho'ab' chwach awulew, lik pa'ij chkiwach konojel chatel b'i che awachoch, jat chik che jun k'ijib'al; moqxa ru' ile kkil ub'e chi je are jun tinimit qelqel.

ÉXODO 12:18

Kijeq utijawik i wa re trigo chi nti kunb'al ru', che uqajb'al ij re i ij kajlajuj re i nab'e ik', k'a che uqajb'al ij re i ij jun juwinaq (21) che i ik' le.

LEVÍTICO 23:5

Che uqajb'al ij che i ij kajlajuj re i nab'e ik' ki'an ni nima'ij re Pascua.

JOSUÉ 4:19

I aj Israel xe'el chi ya Jordán che i lajuj ij re i nab'e ik', are xe'upon chila Gilgal xek'iji chila prelb'al ij che i tinimit Jericó.

JOSUÉ 5:11

Chukab' ij are xik'aw i nima'ij Pascua, i winaq xkijeq utzuqik kib' che uwach i tikon aj chila Canaán, xkitij i wa chi nti kunb'al ru' chi re paxb'al uwach i wa, xaq xkitij i k'ilim trigo.

JOSUÉ 9:6

Xe'e chila pa Gilgal ipa je o wi ma Josué ku' i je aj Israel xkib'ij chke: —Yoj qapetik che jun tinimit naj, kqaj kqa'an jun trat iwu'.

1 Samuel 7:16

Ma Samuel junab', junab' k-e pa Betel, Gilgal xaq pa Mizpa chrilik wach rajwaxik chke aj Israel chila pa taq tinimit le.

2 Samuel 15:28

Tz'aqat yin kinkanaj ni kan chila chwa taq ta'aj pa tz'inilik jyub' chaqij, k'a ktaq na li tzijonik re kwetamaj wach i'anom yix.

JEREMÍAS 39:5

Xwiri i achiyab' chi je yij che i ch'oj aj Caldea xeterej b'i chkij, xekimaja ma Sedequías chwa ta'aj re i Jericó. Xkichapo, te'uri xkik'am b'i chwach i ajawinel ma Nabucodonosor chi o pa Ribla, che i ulew Hamat. Chila ma Nabucodonosor xu'an i atb'al tzij. Xuwor pkiqul i rak'al ma Sedequías chila Ribla lik chwach ire x-an wi chke, xaq keje ile xu'an chke konojel i winaq chi nimaq ki'ij je aj Judá.

Miqueas 6:5

Intinimit, chk'un chak'ux uch'ob'onik a Balac, ajawinel re i Moab, xaq i ula'ik uwach chi xub'ij i a Balaam chi uk'ojol i ma Beor. Chk'un chak'ux are xatik'aw pa Sitim k'a pa Gilgal, xaq xawetamaj i ch'akanik re i Ajwal.”

ÉXODO 12:11

Are kikojom chik ki'u' xaq kikojom chik kixajab', kok'am chik kich'amiy pki'ab', xaq lik tijoj rib' kki'an che i chikop, man are i Pascua re i Ajwal.