JOSUÉ 3:1 - Wuj Pa K'ubultzij

¹ Ma Josué we' xwalijik, junam ku' konojel i aj Israel xe'el chila Sitim, i xe'upon chuchi' i raqana Jordán, xwiri chuxe'el u'axik, xe'uxlan ni chila.

JOSUÉ 3:1 Referans Kwoze

JOSUÉ 2:1

I ma Josué chi uk'ojol ma Nun, are je o chila Sitim, ani'al xeutaq b'i keb' achiyab', xub'ij chke: “Jix chrilik ulew, wach u'anom, xaq i tinimit Jericó.” Xcha. Are xe'upon i ajtaqenel le pa tinimit Jericó, xe'ok chi rachoch ati Rahab, chila xkik'awsaj wi a'ab'; i ati Rahab le are jun ixoq chi kuch'ak umer chwach uch'akul.

Marcos 1:35

Che jun chik ij i Jesús lik k'a equm xwalijik, xel pa tinimit x-e chutz'onoxik che i Dios che jun k'ijib'al tz'inilik.

Miqueas 6:5

Intinimit, chk'un chak'ux uch'ob'onik a Balac, ajawinel re i Moab, xaq i ula'ik uwach chi xub'ij i a Balaam chi uk'ojol i ma Beor. Chk'un chak'ux are xatik'aw pa Sitim k'a pa Gilgal, xaq xawetamaj i ch'akanik re i Ajwal.”

JEREMÍAS 26:5

xaq we kikoj ti retalil wach b'ital chiwe chuxe'el kumal iwajpatan chi profeta, chi lik k'iyalmul je intaqom b'i iwu' yix xwiri xa xeiqelo,

JEREMÍAS 25:3

K'a che kan i junab' oxlajuj re urajawinik ma Josías, chi uk'ojol ma Amón, aj pa Judá, k'a are o wi wo'or ke'eloq chi k'a pa oxib' juwinaq junab' (23) kanoq, i Ajwal ch'awnaq wu' yin, xaq yin inb'im chiwe yix k'iyalmul, xwiri yix ikojom ti retalil chwe.

JEREMÍAS 7:13

Tupu k'iyalmul insaqim chiwe chrij ik'aslemal, yix xiwaj ti xixkojon chwe, xaq mitene xikoj retalil chwe. Yin in Ajwal, xinb'iw ile.

Salmos 119:60

Lik xinb'isoj xaq xinb'aytaj ti chu'anik pacha kub'ij atzij apixab'.

NÚMEROS 25:1

Are xek'iji aj Israel chila Sitim, i achiyab' xe'ok chuminik kib' ku' ixoqib' aj Moab.

GÉNESIS 22:3

I mam Abraham lik we' xwalijik, xuwiq b'i u'axna, xaq xumut b'i si' re porb'al sipon. Xeuk'am b'i keb' chke umokom ru' xaq i uk'ojol chi a Isaac, xe'e che i k'ijib'al ipa b'ital wi che rumal i Dios.

GÉNESIS 21:14

Chukab' ij i mam Abraham lik we' xwalijik, xuk'am i lejom wa re trigo, xaq xuk'am jun tz'um chi o ya chupam, xuya che ati Agar. Xuya an xol uteleb' xaq xuya b'i ralab' che, are uri xutaq b'ik. Are u'ankil uri chi xel b'i ati Agar, to' x-e b'i pa taq tz'inilik jyub' chaqij chila Beerseba.

JOSUÉ 6:12

Chukab' ij, ma Josué we' xwalijik xaq i je ajsujul sipon xkik'am b'i kaxa re utrat i Ajwal.

JOSUÉ 6:15

Che uwuq ij, lik k'a we' xewalijik, te'uri keb'in chik chrij i tinimit pacha kijeqom u'ankil, xwiri che i ij le, lik wuqmul xeb'in chrij i tinimit le.

JOSUÉ 7:16

Chukab' ij lik we' tan, ma Josué xutaq kisik'ixik je aj Israel, lemajil pa taq lemajil; i Ajwal xuk'ut ulemajil ma Judá.

JOSUÉ 8:10

Chukab' ij i ma Josué lik we' xwalijik, xrik'awsaj kib'i konojel uwinaq; te'uri junam ku' i kaj-atzil i je aj Israel xenab'ej b'i chkiwach uwinaq, xe'e pa ch'oj chkij i je aj Hai.

Jueces 20:19

Are uri aj Israel we' xewalijik xe'ek, xet'ub'i chila chwach i tinimit Gabaa.

1 Samuel 17:20

Chukab' ij a David we' tan xwalij b'ik, xeuya kan i chij chi chajixik ru' jun chik, ire xuk'am b'i wach taq kkitij i ratz chi xuya b'i ma Isaí che. Are xupon chila ipa je o wi i ratz, i achiyab' chi je yij che i ch'oj ketijin chuyijb'axik kib' man ke'e chu'anik ch'oj, lik kesik'in konojel.