JOSUÉ 24:7 - Wuj Pa K'ubultzij

⁷ I iwatit imam are xesik'in chutz'onoxik kitob'al chwe, are uri xinkoj jun equm chkixol ku' i je aj Egipto; xin-an che i mar chi xeumuq b'ik, yix lik xiwilo wach xin-an chila pa Egipto. Te'uri k'iyal ij xi'an pa tz'inilik jyub' chaqij.

JOSUÉ 24:7 Referans Kwoze

Deuteronomio 4:34

¿O nawi chik jun dios chi ku'ul jun tinimit chkixol i jub'an chik tinimit ru' k'iyal taq k'amb'al pamaj, ru' ilb'al re, ru' nimaq taq il xaq ch'oj; k'utb'al re i nim laj ucho'ab' chi xu'an i jalajuj taq anik le chi lik xib'in ib' pacha xu'an i Ajwal chiwach yix xaq iwumal yix chila pa Egipto?

ÉXODO 14:20

I sutz' xk'iji chkixol aj Egipto ku' aj Israel, ku' aj Egipto lik equm xwiri ku' i aj Israel lik saq; rumali aj Egipto le xekimaja ti aj Israel che a'ab' le.

ÉXODO 14:10

I je aj Israel are xkinab'ej chi ma faraón xaq i je aj Egipto ktijin kitejeb'ik ku', are uri ike lik xkixij kib'. Rumali xesik'in chutz'onoxik kitob'al che i Ajwal.

ÉXODO 14:31

I je aj Israel are xkil ronojel i nimaq taq il chi xu'an i Ajwal chke aj Egipto, are uri lik xkikoj u'ij i Ajwal, xekojon che xaq xekojon che ma Moisés chi rajchak i Dios.

JOSUÉ 5:6

I Dios usujum te'eq chke i katit kimam i aj Israel chi kuya jun utz laj ulew chke man chila che i ulew le lik o i leche xaq uwa'al kab' lik keje pacha i ya kb'inik. Xwiri i aj Israel chi xe'el li pa Egipto xkiqel i Ajwal. Rumali Ire xusaqij chke chi kkil ti uwach i ulew le. Rumali xeb'aytaj kawinaq (40) junab' pa tz'inilik jyub' chaqij, rumali konojel achiyab' chi je yij te'eq che i ch'oj are xe'el Egipto ya je kamnaq chik.

Deuteronomio 29:2

Ma Moisés xumol kichi' aj Israel, xub'ij chke: Yix xiwil ronojel ni'pa xu'an i Ajwal chila pa Egipto, che ma faraón, chke i je rajpatan xaq chke konojel uwinaq,

Deuteronomio 1:46

Rumali yix xixkanaj kan chila pa Cades k'iyal ij.

Hebreos 3:17

¿Je pachin i winaq chi kawinaq junab' (40) xpe roywal i Dios chke? Ku' i winaq chi xemakunik xaq xekam chila pa tz'inilik jyub' chaqij.

Deuteronomio 2:14

Are xoj-el che ulew Cades-barnea k'a are xqa'axuj i raqana Zered, xeik'aw wajxaqlajuj juwinaq (38) junab'. Che taq i ij le xekam konojel i achiyab' aj Israel chi je yij che i ch'oj chi je o chila che i k'ijib'al ipa je o wi. Lik x-antaj na chrij pacha xub'ij i Ajwal.