JOSUÉ 24:5 - Wuj Pa K'ubultzij

⁵ K'iyal junab' rik'awik ile, are uri Yin xeintaq b'i ma Moisés xaq i ma Aarón chuya'ik i jalajuj taq k'ax pkiwi i je aj Egipto, k'a xixwesaj na li chila.

JOSUÉ 24:5 Referans Kwoze

ÉXODO 3:10

Rumali chab'isoj chayijb'a awib', man katintaq b'i ru' ma faraón chkelsaxik aj Israel chi je intinimit, chi je o chila pa Egipto.

Salmos 136:10

Chitioxij che i xkamsaw i nab'e taq i kak'al konojel aj Egipto, man i k'axnab'al uk'ux lik ronojel ij saq uwach.

ÉXODO 12:51

Lik che i ij le i Ajwal xeresaj li konojel aj Israel chila pa Egipto, lik pa taq tzob'ajil x-on che i kelsaxik loq.

ÉXODO 12:37

I aj Israel xe'el chila che ulew Ramesés, xe'e pusuk' b'i ulew Sucot. Kolo jo'lajujchiy oxt'ub' (600,000) achiyab' xeb'in ku' chaqan chi lik je utz re i ch'oj, je ajlam ti uri ixoqib' xaq ak'alab'.

JOSUÉ 24:6

Are xewesaj li iwatit imam pa Egipto, i je aj Egipto xeterej li chkij ru' ch'ich' re kib'inb'al xaq re ch'oj, xaq o xeterej li chkij ru' taq kaway k'a chuchi' i Mar Kaq.

ÉXODO 6:27

Xaq je are ike le xeb'in che ma faraón chi ajawinel re i nim laj tinimit Egipto, chi lik ke'el li aj Israel chila. Are i Dios xeusik'ij ma Moisés xaq i ma Aarón.

ÉXODO 12:41

Che i ij le are xtz'aqat i lajuj juwinaq jumo' (430) junab', are uri konojel aj Israel chi je utinimit i Dios, xe'el chila pa Egipto.

Salmos 105:43

Keje u'anik ile chi xeresaj b'i utinimit chi je u'ulum Ire, ru' jun nim laj kikotemal.