JOSUÉ 24:12 - Wuj Pa K'ubultzij

¹² Yix taj xiwoqtaj b'i keb' ajawinelab' chi je aj Hamor ru' taq ich'ich' xaq we ru' taq ich'ab', Yin xintaq b'i xib'rikil chkij i je ajch'oj chiwij man xekoqtaj b'i chwach ulew are k'amaja kixupon yix.

JOSUÉ 24:12 Referans Kwoze

Deuteronomio 7:20

Xwi ta la ile, i Ajwal xaq kutaq na li aqaj pkiwi chi kuchup kiwach, chi lik kuk'is ni kiwach konojel ni'pa je k'as kanoq xaq we kuwam kan kib'.

ÉXODO 23:28

Are kixupon ni che i nim laj tinimit le keinnab'saj nu b'i wonon chiwach, man kekoqtaj b'i aj Jiw, aj Canaán xaq i je aj Het lik kin-an na chi lik kkixij ni kib'.

ÉXODO 23:31

Uchi' itinimit kjeqan b'i chuchi' i Mar Kaq, kupon k'a chuchi' i Mar ke aj Filistea kjeqan chali uchi' pa tz'inilik jyub' chaqij kupon k'a chuchi' i raqana Éufrates, man ni'pa je o chwach ulew le keinjach ni pi'ab', yix keiwesaj nu b'ik.

Salmos 80:9

Xajos-ij uwach ulew tikb'al re i raqan i uva, are uri i uva le naj x-e i ra' chupam i ulew xaq xunojsaj ronojel uwach.

NÚMEROS 21:31

Are uri aj Israel xekanaj chwach kulew aj Hamor.

NÚMEROS 21:32

Xaq ma Moisés xeutaq b'i jub'an achiyab' chrilik i tinimit Jazer, are uri aj Israel xetiki kan chuk'amik i jalajuj taq tinimit chi je o chrij chwach i Jazer le, xaq xekesaj b'i konojel aj Hamor chi je jeqel te'eq chila.

Deuteronomio 4:46

are k'a ix o chila prelb'al ij che i raqana Jordán, che i ta'aj chi o chwach i Bet-peor, prulew ma Sehón, chi ajawinel ke aj Hamor. Ma Sehón le jeqel te'eq chila pa Hesbón chi xujam rib' pa ch'oj che ma Moisés xaq chke aj Israel, are xe'el ike chila pa Egipto.

Deuteronomio 4:47

I aj Israel xekanaj chwach rulew ma Sehón xaq xekanaj chwach rulew ma Og, chi ajawinel ke aj Basán, i keb' ajawinel le aj Hamor chi je jeqel te'eq prelb'al ij che i raqana Jordán.

Deuteronomio 31:4

I Ajwal ku'an ni chke i winaq pa jalajuj taq tinimit pacha xu'an chke ma Sehón xaq i ma Og, chi je ajawinel pkiwi aj Hamor; chi xchup uwach kitinimit rumal i Ajwal.

JOSUÉ 2:10

Man qatom chi Ajwal xuchaqijsaj i ya re i Mar Kaq re iwik'awb'al are xixel li pa Egipto, qatom wach uchupik kiwach i keb' ajawinelab' aj Hamor xi'ano, chi ma Sehón xaq i ma Og chi je o chila prelb'al ij che uchi' i raqana Jordán.

Salmos 80:10

Xuch'uq uwi i nimaq taq jyub' ru' umujal, xaq i u'ab' xuch'uq uwi i nimaq taq che'.

Salmos 135:11

Ma Sehón chi ajawinel aj Hamor, ma Og chi ajawinel aj Basán, xaq konojel i ajawinelab' re i tinimit Canaán;