JOSUÉ 23:10 - Wuj Pa K'ubultzij

¹⁰ Xa jun chiwe yix ktiki nu b'i chkoqtaxik lajujwinaq kamo' (1,000) winaq, man i Ajwal Dios are ire k-anaw ch'oj pik'exel yix, chrij pacha ub'im.

JOSUÉ 23:10 Referans Kwoze

Deuteronomio 32:30

¿Wach u'ankil ile chi xa jun chi winaq xe'anmaj b'i lajujwinaq kamo' (1,000) ajch'oj pu'ab'? ¿Wach u'ankil ile chi xa keb' chi winaq xe'anmaj b'i jo'mo' juchiy (10,000) ajch'oj pki'ab'? ¡Ile rumal i Ajwal, chi tol ke, xeujach ajch'oj le pki'ab', rumali chi xech'akanik!

LEVÍTICO 26:8

Jo'ob' chiwe yix kkoqtaj nu b'i je jo'winaq winaq xaq jo'winaq chiwe yix kkoqtaj nu b'i i je jo'mo' juchiy (10,000) winaq, keje ile kixtiki ni chkikamsaxik i je ajch'oj chiwij ru' ch'ich'.

Deuteronomio 3:22

Rumali maxij awib' chke ike le man i Ajwal a-Dios ku'an ni ch'oj pik'exel yix.”

ÉXODO 14:14

Yix mixk'achirik man i Ajwal ku'an ni ch'oj pik'exel yix. Keje ile xub'ij ma Moisés chke aj Israel.

Salmos 35:1

Ajwal cha'ana ch'oj chkij ni'pa kki'an ch'oj chwij yin, xaq jat chkij ni'pa kepe chwij yin;

Deuteronomio 20:4

man Iwajwal Dios o iwu'; Ire ku'an ni ch'oj pik'exel ku' ajch'oj chiwij xaq ku'an ni chiwe chi kixch'akanik.

Romanos 8:31

¿Wach chik mas kqab'ij ut? We i Dios kojrok'aj, ¿Mijun uri ktiki chqatzaqsaxik?

Salmos 46:7

¡I Ajwal chi ronojel ktiki che lik o qu' yoj! ¡I u-Dios ma Jacob are tol qe!

JOSUÉ 23:3

Yix iwilom ronojel ni'pa u'anom i Qajwal Dios, chke konojel i tinimit qumal yoj, man i Ajwal chi qa-Dios are ire x-anaw i ch'oj pa qak'exel yoj.

1 Samuel 14:6

Are uri ma Jonatán xub'ij che i tol re: —Jo ch'aqap, chila ipa o wi kik'ijib'al i winaq chi kkikoj ki'ij i jalajuj taq tiox. Moqxa i Ajwal Dios kojuto man nti jun b'iroxik chi ktiki ti ire che, ire kojuto che i ch'akanik ru' uk'iyal winaq xaq we xa keb' oxib' winaq.

Jueces 15:15

Chrijil chik ile, i a Sansón xuk'am pan jun ukakate' axna chila chi k'amaja kchaqijik, ru' ile xeukamsaj lajujwinaq kamo' (1,000) aj Filistea.

2 Samuel 23:8

Iri are kib'i i achiyab' chi je yij che i ch'oj re ma David chi lik kkriq u'anik ch'oj: I nab'e are i ma Is-boset, chi aj Hacmón, ire are aj-atzil chke i je oxib' chi lik mas ko kiwach chu'anik ch'oj, o juyak xeukamsaj kamo' (800) achiyab' ru' uche' ch'ich' utzam.

Jueces 3:31

Chrijil chik ma Aod le are ma Samgar chi uk'ojol ma Anat xok'aw utzam chke aj Israel; i ma Samgar le xeukamsaj lajujwinaq jumo' (600) achiyab' aj Filistea ru' jun che' chi o ch'ich' chutzam re ch'ayb'al i b'oyex. Keje kito'ik aj Israel ile xu'ano.

Deuteronomio 20:3

kub'ij ni chke: Chita iri, yix ix aj Israel, wo'or ki'an ni ch'oj ku' i ajch'oj chiwij, mqaj ik'ux, mixij iwib', mixsiksat rumal ixib'rikil, xaq mixok il,

Deuteronomio 28:7

I Ajwal keujach ni pa'ab' i ajch'oj chawij are kkaj u'anik k'ax chawe. Lik ketusus na are ke'e chawij, xwiri lik to' kichkich chik ki'anom are ke'anmaj ni pa'ab' yet.

Deuteronomio 32:20

Are uri i Ajwal xub'ij: wo'or Kinya uchel wij chke, ¡Chkila uri wach ke'el wi ru'! Man lik saq laj tzij ike le je utz ti laj taq winaq, lik je qelqel laj taq alk'uwalxelab', xaq lik kkub'i ti ak'ux chke.

JOSUÉ 23:11

China iwib' uri wach i ki'ano xaq lik k'ax china Iwajwal Dios,

PRIMER LIBRO DE CR%D3NICAS 5:22

Lik je k'i chke i ajch'oj chkij xekamik man i ch'oj chi xki'ano lik ru' i Dios petnaq wi. Chila xejeqi wi kanoq che taq i k'ijib'al le, k'a are xe'elsax b'i pa cho'ab' chwach kulew.

ISAÍAS 30:17

Lajujwinaq kamo' (1,000) ke'anmaj ni pu'ab' xa jun chi winaq rumal ub'im chi k-on k'ax chke, xaq iwonojel yix kix-anmaj ni pki'ab' je jo'ob' winaq, k'a kekanaj ni xa je keb' oxib' chik winaq, pacha ukanajik xa jun chik che' puwi jun nim laj jyub' xaq pacha uwalijik jun sib' re k'utb'al puwi jun jyub'.

ZACARÍAS 12:8

Yin in Ajwal, keinchajij ni jub'an chi je jeqel pa tinimit Jerusalén. I jub'an chi lik nti kicho'ab' chkixol ike, lik kpe ni kicho'ab' pacha ucho'ab' i ajawinel ma David, xaq i je umuq uxikin i ma David je keje na pacha i Dios, pacha i ángel re i Ajwal, chi nab'e chkiwach ike.

LEVÍTICO 26:7

Yix kiwoqtaj nu b'i i je ajch'oj chiwij xaq kixtiki ni chkikamsaxik ru' ch'ich'.

PRIMER LIBRO DE CR%D3NICAS 5:20

xwiri i Dios lik xeuto, rumali xekich'ak aj Agar xaq ni'pa kiya'om kiwach ku' i je ajch'oj chkij. Xuk'ulmaj ile man xkitz'onoj kitob'al che i Dios are je o pa ch'oj, rumali i Dios xeuto man xkiya kik'ux che.