JOSUÉ 22:8 - Wuj Pa K'ubultzij

⁸ Xub'ij chke: “Chixtzalij b'i chi iwachoch ru' nimaq taq b'eyomal, ru' k'iyal taq chikop, ru' k'iyal taq saq-o'oj, ru' k'iyal taq an-o'oj, ru' k'iyal taq anch'ich', ru' k'iyal taq ch'ich', xaq ru' k'iyal taq k'ul; chijacha ub'itaq ke iwajch'oj chiwach ku' iwatz icha' chi ich'akom pa ch'oj.”

JOSUÉ 22:8 Referans Kwoze

NÚMEROS 31:27

Chajacha pa nik'aj konojel i chikop xaq konojel i winaq, chaya nik'aj chke i xeupon pa ch'oj xaq nik'aj chke konojel aj Israel.

Proverbios 3:16

Pa wiqab'im o wi i k'aslemal naj uwach, xaq pa moxim o wi i b'eyomal xaq i chomalil.

1 Samuel 30:24

Xwiri yix usuk' ti kib'ij, man rajwaxik chi pacha uk'iyal kya' che i jun chi xupon chu'anik ch'oj xaq keje uk'iyal ile kya' che i jun chi xkanaj kan chuchajixik ub'itaq qe.

Hebreos 11:26

Xuch'ob' ire, utz we kutij uyej rumal ukub'ib'al uk'ux che i Mesías chi taqtal loq. Keje ile xuch'ob'o man roy-em na wach usujum i Dios che. Xuch'ob' ire, mas utz ile chwach ronojel taq i b'eyomal chila pa Egipto.

1 Corintios 15:58

Rumali, ix, wachalal chwach i Cristo chi kixwaj, lik chijikb'a ik'ux; ko chixtak'aloq. Chikowij mas u'ankil uchak i Ajwal. Yix iweta'am chi utz kel i chak le chi kixtijin chu'anik junam ru' i Ajwal.

Salmos 68:12

“Ktijin ki'anmajik i ajawinelab' xaq kiwinaq chi je yij che i ch'oj”, ru' taq ja, i ixoqib' kkijach i jalajuj taq b'iroxik chkiwach chi majtal chke i ajch'oj chkij.

SEGUNDO LIBRO DE CR%D3NICAS 17:5

Rumali i Ajwal xukowirsaj rajawinik che. Konojel i winaq aj Judá lik kkiya usipon, rumali chi lik x-on b'eyom xaq xnimar u'ij.

1 Samuel 30:16

Are uri xeuk'am b'i k'a chila ipa je o wi ili'omab'. Ike le kikichersam b'i kib', ketijin chwa'im, ketijin che i ab'arik man ketijin chu'anik i nima'ij rumal ronojel i ela' chi xeki'ana li pkulew aj Filistea xaq pkulew aj Judá.

SEGUNDO LIBRO DE CR%D3NICAS 32:27

Ma Ezequías lik xuqusij ub'eyomal xaq unimarik u'ij man xuk'ol k'iyal taq saq-o'oj, an-o'oj, chomiq taq ab'aj, kunb'al chi lik muy, tob'al ib' re i ch'oj xaq jub'an chik jalajuj taq b'iroxik chi paqal rajil.

PRIMER LIBRO DE CR%D3NICAS 5:9

Xk'iji chwach ulew prelb'al ij, xupon uchi' k'a chuchi' i tz'inilik jyub' chaqij chi kpe uchi' chila che i raqana Éufrates, man lik xek'iyar uchikop chila pa Galaad.