JOSUÉ 20:9 - Wuj Pa K'ubultzij

⁹ Are i tinimit ile chi xkich'ik rij i aj Israel re tob'al kib' konojel i aj Israel xaq i je aj naj chi kejeqi chkixol ike, chi we xki'an jun kamik chu'anik taj, man keje ile kkamsax ti rumal i rachalal i kamnaq chi o pu'ab' kkamsanik, are k'amaja k-ati tzij puwi kumal konojel i unimaqil re i tinimit.

JOSUÉ 20:9 Referans Kwoze

NÚMEROS 35:15

I waqib' tinimit le are ni tob'al kib' aj Israel, aj naj chi je o chixol xaq we to' je ik'awel chixol yix, chila kuto wi rib' jun lok'anij chi ku'an jun kamik chi chu'anik taj ku'ano.

JOSUÉ 20:6

I winaq chi xkamsanik le kk'iji ni chila pa tinimit ipa xuto wi rib', k'a kya' ni chkiwach konojel unimaqil i tinimit re k-at tzij puwi xaq k'a kkam ni atz laj ajsujul sipon chi o pupatan che taq i ij le, te'uri utz we ktzalij chub'i putinimit xaq chi rachoch ipa anmajnaq wi loq.” Keje xub'ij i Dios ile che mam Josué.

JOSUÉ 20:4

Jun winaq are kraj uto'ik rib' k-e che jun chke i tinimit le, are kupon pa okb'al che i tinimit, kub'ij chke unimaqil re i tinimit, ¿B'uchak kraj uto'ik rib' chila? Te'uri unimaqil le kkiya che kok b'ik, xaq kkiya jun uk'ijib'al ipa kk'iji wi.

NÚMEROS 35:13

I jalajuj taq tinimit chi xya'ik, waqib' re ni tob'al ib':

JOSUÉ 20:8

Prelb'al ij che i ch'aqa ya Jordán chila pa tz'inilik jyub' chaqij re i Jericó xkich'ik rij oxib' tinimit: Beser chi o pa tz'inilik jyub' chaqij pa kulew utzob'ajil ma Rubén, Ramot chi o chila pa Galaad pa kulew utzob'ajil ma Gad, xaq i Golán chi o chila pa Basán, pa kulew utzob'ajil ma Manasés.