JOSUÉ 20:4 - Wuj Pa K'ubultzij

⁴ Jun winaq are kraj uto'ik rib' k-e che jun chke i tinimit le, are kupon pa okb'al che i tinimit, kub'ij chke unimaqil re i tinimit, ¿B'uchak kraj uto'ik rib' chila? Te'uri unimaqil le kkiya che kok b'ik, xaq kkiya jun uk'ijib'al ipa kk'iji wi.

JOSUÉ 20:4 Referans Kwoze

JEREMÍAS 38:7

Jun achi aj Etiopía, ma Ebed-melec ub'i, chi lik are jun achi chi kul k'uxij che pa nim laj rachoch i ajawinel, xuta chi k'aqtal ma Jeremías chupam i k'otom chaqij. Che taq i ij le i ajawinel o pa molb'al ib' chila che uchija re ma Benjamín.

Hebreos 6:18

Keb' tzij xub'ij i Dios. Nab'e, xub'ij chke chi kuya ni utzil chomal chke; i Dios kt'oron taj. Te'uri, i ukab' tzij, ire lik xukuxtaj ub'i puwi utzij le, chi ku'an na pacha ub'im chke. I keb' tzij le kjalwachix taj. Rumali, yoj chi qariqom qato'ik ru' i Dios lik kul qak'ux che chi kqil na pacha ub'im chqe.

Proverbios 31:23

I rachijil lik etamam uwach pa tinimit, man xaq lik etamam uwach chkixol ni'pa o ki'ij pa tinimit.

Salmos 26:9

Mawesaj ink'aslemal yin junam ru' kik'aslemal i ajmakib' laj taq winaq; ma'an chwe yin chi kink'ulmaj pacha kkik'ulmaj i ajkamsanel laj taq winaq,

Job 29:7

Are kinkub'i te'eq chila che i k'ijib'al re molb'al ib' pa tinimit.

Job 5:4

I rak'al lik nti jun ketow pa taq atb'al tzij, lik usuk' ti k-ani chke man nti jun ketowik kiwi.

JOSUÉ 20:3

Man chila kuto wi rib' jun winaq we xukamsaj jun rachi'il chi chu'anik taj xu'ano, utz uri we kruwaj rib' che jun chke i tinimit le, re tob'al rib' chwach i rachalal i kamnaq chi lik o pu'ab' kkamsax rumal.