JOSUÉ 20:3 - Wuj Pa K'ubultzij

³ Man chila kuto wi rib' jun winaq we xukamsaj jun rachi'il chi chu'anik taj xu'ano, utz uri we kruwaj rib' che jun chke i tinimit le, re tob'al rib' chwach i rachalal i kamnaq chi lik o pu'ab' kkamsax rumal.

JOSUÉ 20:3 Referans Kwoze

LEVÍTICO 4:2

Chab'ij chke i je aj Israel: We jun winaq kuqel jun che utzij upixab' i Ajwal chu'anik taj, rajwaxik uri chi ku'an iri:

NÚMEROS 35:12

chila kuto wi rib' pu'ab' i rachalal i winaq chi xkamik chi kraj ku'an uk'exel che ire, lik nti kuk'ulmaj i kamsanel le k'a k-ani ni atb'al tzij che kumal i winaq re i tinimit.

JOSUÉ 20:2

“Chab'ij chke je aj Israel chi chkich'ika kij jub'an tinimit re tob'al ib', chrij pacha xinb'ij che etz mam Moisés chi katutaq ni che.

JOSUÉ 20:4

Jun winaq are kraj uto'ik rib' k-e che jun chke i tinimit le, are kupon pa okb'al che i tinimit, kub'ij chke unimaqil re i tinimit, ¿B'uchak kraj uto'ik rib' chila? Te'uri unimaqil le kkiya che kok b'ik, xaq kkiya jun uk'ijib'al ipa kk'iji wi.

NÚMEROS 35:19

Lik are i rachalal kan i winaq chi xkamsaxik, kkamsaw i ajkamsanel xaipa kuriq wi pa taq b'e.

NÚMEROS 35:22

Xwiri we jun kutakpuj b'i jun rach lok'anij chi chu'anik taj ku'an che, o we kuk'aq b'i jun b'iroxik chrij chi xa pa etz'enem ku'an che,

2 Samuel 14:11

Xwiri i ixoq xub'ij chik: —¡Lik kintz'onoj utzil chawe Nim laj Winaq, chi chatz'onoj che i Awajwal Dios man keje ile i wachalal chi kraj u'anik uk'exel ukamik i walab', mukamsaj i jun chik walab' le chwe, man keje ile kunimarsaj ti intojpen! I ajawinel lik xub'ij che: —¡Lik pub'i i Ajwal Dios kinb'ij chawe chi mitene jun uwi awalab' ktzaq pulew!

Hebreos 6:18

Keb' tzij xub'ij i Dios. Nab'e, xub'ij chke chi kuya ni utzil chomal chke; i Dios kt'oron taj. Te'uri, i ukab' tzij, ire lik xukuxtaj ub'i puwi utzij le, chi ku'an na pacha ub'im chke. I keb' tzij le kjalwachix taj. Rumali, yoj chi qariqom qato'ik ru' i Dios lik kul qak'ux che chi kqil na pacha ub'im chqe.