JOSUÉ 2:6 - Wuj Pa K'ubultzij

⁶ Xwiri ixoq le je utaqom chub'i i je ajtaqenel puwi i ja chi ta'aj uwi, je ruwam chila chuxol taq yotaj es chi lino ub'i, i es le yatal chila chaqijsab'al re.

JOSUÉ 2:6 Referans Kwoze

Santiágo 2:25

Keje xu'an ati Rahab ile ujer, jun ixoq, chi chwach uch'akul kuch'ak wi umer, xwiri, i Dios utz xrilo rumal i xu'ano. Ire xuya kiposar i winaq chi je re i Dios, xeuto xaq xeutaq chub'i che jun chik b'e ani'al, elsab'al ke pki'ab' i winaq chi je ajch'oj chkij.

Hebreos 11:23

X-on panoq, xaq i uqajaw uchuch i a Moisés xki'aljinsaj ukub'ib'al kik'ux che i Dios, are xalax i a Moisés, xkil uqajaw uchuch chi lik chom laj ak'al. Lik kul kik'ux che i Dios chi keuto na; rumali, xkixij ti kib' che i atb'al tzij le, chi xuya i ajawinel chi ni'pa i alab'om kealaxik kekamsaxik. Ike oxib' ik' xkuwaj i ak'al le.

Colosenses 3:3

Man yix ya xixkam junam ru' i Cristo, i wo'or ik'aslemal o che ire, xaq ire o che i Dios.

2 Samuel 17:19

Te'uri i rixoqil achi le xuch'uq la uwi i k'otom ru' jun k'ul, xaq xujam la trigo puwi, sab'al re. Ile lik mijun xetamawik.

Mateo 24:17

Ni'pa je o an puwi i kachoch, meqaj chali chuk'amik ub'itaq ke.

JEREMÍAS 36:26

Are xu'ano, xutaq ma Jerameel, chi lik rak'al i ajawinel, ma Seraías, chi uk'ojol ma Azriel, ma Selemías, chi uk'ojol ma Abdeel, chi kkimin i profeta ma Jeremías prexil, xaq i ma Baruc chi rajtz'ib'. Xwiri ike xeuwax rumal i Ajwal.

2 Reyes 11:2

Xwiri ati Josaba, chi umi'al i ajawinel ma Joram, chi ranab' ma Ocozías, xresaj b'i a Joás, chi uk'ojol ma Ocozías, chkixol i jub'an chik alk'uwalxelab' chi ktijin kikamsaxik. Keje uri ile chi xruwaj chwach ati Atalía, xuya chupam i ja ipa kwar wi, junam ru' i kchajiw re rumali xkamsax taj.

1 Reyes 18:13

¿Xawetamaj twa wach taq xin-ano are xok ati Jezabel chkikamsaxik i profeta? Yin xewuwaj jo'winaq (100) chke ike le chupam keb' pek pa taq tzob'ajil, lajuj kawinaq (50) chupam jun pek, lajuj kawinaq (50) chik chupam jun chik pek, xinya kiwa xaq kiya'.

1 Reyes 18:4

Xuk'ulmaj, are chi ati Jezabel xujeq kikamsaxik i profeta, are uri ma Abdías le xumol kichi' jo'winaq (100) profeta, xaq xeruwaj chupam keb' pek, xu'on keb' tzob'aj chke, lajuj kawinaq (50) xeuya chupam jun pek, i lajuj kawinaq (50) chik chupam jun chik, xaq xuya kiwa xaq kiya'.

2 Samuel 11:2

Che jun uqajb'al ij, i ma David xwalij b'i chwi uch'at, x-e pa malkatik puwi i nim laj rachoch ire. Are uri xril jun chom laj ixoq chi ktijin chatinem. I ma David xutaq utz'onoxik pachin taq ixoq le, are uri xb'ix che chi are ati Betsabé, chi umi'al ma Eliam, chi xaq rixoqil ma Urías chi aj Het. Ati Betsabé k'a te kujos-ij rib' man xk'is rik'il; are uri ma David xeutaq b'i jub'an achiyab' chuk'amik ati Betsabé, are xuponik, xumin rib' ru', chrijil chik ile, te'uri ixoq le x-e chi rachoch.

JOSUÉ 2:8

Are uri, chuxe'el i kikotz'olem je ajtaqenel chi je ruwam ati Rahab puwi i ja ta'aj uwi, ire xel b'i ku' xaq xub'ij chke:

Deuteronomio 22:8

We o jun chiwe yix kuyak jun rachoch k'ak', rajwaxik uri chi kukoj atb'al che ronojel uchi' man keje ile we o taq jun xtzaq loq k-ab'taj ti uri chkij ralk'uwal.

ÉXODO 2:2

i ixoq le xk'aqtajik, xalax jun rak'al; are xrilo chi lik chom i ak'al le xruwaj oxib' ik';

JOSUÉ 2:5

Are ya ktz'apix uchija re i okb'al che i tinimit, kolo laj kmoymat chik are uri xe'e i achiyab' le, xwiri weta'am taj ipa xe'e wi; we kixterej b'i chkitzukuxik moqxa ne k'a keiriqa —xcha.

JOSUÉ 2:7

I achiyab' le chi je re i ajawinel xeterej b'i chkitzukuxik i je ajtaqenel; i b'e chi xkimaj b'ik are i b'e chi k-e chi raqana Jordán, chila ipa o wi i axb'al; are xe'el b'i achiyab' le, xtz'apix kan uchija re i elb'al che i tinimit.

JOSUÉ 6:25

Keje uto'ik uk'aslemal ati Rahab ile xu'an ma Josué man xeruwaj i keb' achiyab' chi xeutaq b'i pa Jericó chutaqexik i tinimit le. Rumali ati Rahab xaq i ralk'uwal xejeqi ku' aj Israel xaq k'a je o ku' wo'or.