JOSUÉ 2:5 - Wuj Pa K'ubultzij

⁵ Are ya ktz'apix uchija re i okb'al che i tinimit, kolo laj kmoymat chik are uri xe'e i achiyab' le, xwiri weta'am taj ipa xe'e wi; we kixterej b'i chkitzukuxik moqxa ne k'a keiriqa —xcha.

JOSUÉ 2:5 Referans Kwoze

Apocalipsis 21:25

I uchija nimaq pa okb'al b'ik che i tinimit le, pa'ij lik ktz'apix taj, lik jaqalik; man chila kok ti a'ab'.

Ezequiel 47:12

Chekeb' taq uchi' i raqana kek'iy ni k'iyal taq uwach i che' chi ktijaw uwach. I uxaq lik ketzaq taj, xaq kkimayij ti wachinik. Che ronojel ik' o ni kiwach, man je ja'tal ni rumal i raqana chi kel li prachoch i Ajwal. I uwach i che' kajwax na re ktijawik xaq i uxaq re kunb'al.

JEREMÍAS 50:20

Yin in Ajwal, kinb'ij: Che taq i ij le, i tinimit Israel xaq i tinimit Judá lik xkuytaj kimak xaq i kimak atzalal, man yin kinkuy ni kimak konojel ni'pa xek'asi kanoq.

ISAÍAS 60:11

I uchija re awachoch lik arewi jaqal na, lik ktz'api ti chipa'ij chicha'ab', man keje ile kkik'am na li i b'eyomal chawe ke i nimaq taq tinimit, xaq ke'ok b'i i ajawinelab' ku' i kachnimanelab'.

NEHEMÍAS 13:19

Are uri xinya i taqanik, chi are kjeqan tan moymatik re qajb'al ij, ktz'apix i jalajuj taq uchija re i tinimit Jerusalén man kjeqan i ij sábado, k'ate kjaqik are kk'is i ij sábado. Xwi ta la ile, xaq xinb'ij chke jujun inmokom chi kkichajij i okb'al re tinimit che i ij sábado man keje ile mijun eqan koksax b'ik.

JOSUÉ 2:7

I achiyab' le chi je re i ajawinel xeterej b'i chkitzukuxik i je ajtaqenel; i b'e chi xkimaj b'ik are i b'e chi k-e chi raqana Jordán, chila ipa o wi i axb'al; are xe'el b'i achiyab' le, xtz'apix kan uchija re i elb'al che i tinimit.

JOSUÉ 2:4

Xwiri ixoq le je ruwam chik achiyab', rumali xub'ij: —Saq laj tzij ile chi xek'un keb' achiyab' wu', xwiri xwetamaj taj je aj ipa.

JOSUÉ 2:6

Xwiri ixoq le je utaqom chub'i i je ajtaqenel puwi i ja chi ta'aj uwi, je ruwam chila chuxol taq yotaj es chi lino ub'i, i es le yatal chila chaqijsab'al re.

1 Samuel 19:14

I ma Saúl are xeutaq b'i uwinaq chuchapik ma David, are uri ati Mical xub'ij chke chi iwab'.