JOSUÉ 2:4 - Wuj Pa K'ubultzij

⁴ Xwiri ixoq le je ruwam chik achiyab', rumali xub'ij: —Saq laj tzij ile chi xek'un keb' achiyab' wu', xwiri xwetamaj taj je aj ipa.

JOSUÉ 2:4 Referans Kwoze

2 Reyes 6:19

Are uri ma Eliseo xub'ij chke: —Are ti i b'e iri chi kitzukuj xaq are ti i nim laj tinimit. Chixterej b'i chwij man kixink'am b'i k'a chila ipa o wi achi chi kitzukuj. Are uri xeuk'am b'i pa tinimit Samaria.

ÉXODO 1:19

I parterab' xkila' uwach che i ajawinel, xkib'ij: —I ixoqib' aj Hebreo je keje taj pacha ixoqib' aj Egipto; man i je aj Hebreo lik nti k'ax chke xaq lik o kicho'ab', rumali je alannaq chik are kojupon yoj —xecha.

Santiágo 2:25

Keje xu'an ati Rahab ile ujer, jun ixoq, chi chwach uch'akul kuch'ak wi umer, xwiri, i Dios utz xrilo rumal i xu'ano. Ire xuya kiposar i winaq chi je re i Dios, xeuto xaq xeutaq chub'i che jun chik b'e ani'al, elsab'al ke pki'ab' i winaq chi je ajch'oj chkij.

JOSUÉ 2:3

Are uri i ajawinel xutaq ub'ixkil i tziji che ati Rahab: —Cheawesaj li achiyab' chi xek'un chawilik, chi je o chi awachoch, man ike le xa xek'un chutaqexik wach qach'akik kki'ano —xcha.

JOSUÉ 2:5

Are ya ktz'apix uchija re i okb'al che i tinimit, kolo laj kmoymat chik are uri xe'e i achiyab' le, xwiri weta'am taj ipa xe'e wi; we kixterej b'i chkitzukuxik moqxa ne k'a keiriqa —xcha.

JOSUÉ 6:17

I nim laj tinimit Jericó xaq ronojel ni'pa i o chupam ksach ni uwach rumal i k'oqb'al re i Dios, xwi ati Rahab chi kuch'ak umer chwach uch'akul kk'asi na xaq konojel ni'pa i je o chi rachoch, man ire xeruwaj i keb' achiyab' chi xeqataq li chrilik nim laj tinimiti.

JOSUÉ 6:25

Keje uto'ik uk'aslemal ati Rahab ile xu'an ma Josué man xeruwaj i keb' achiyab' chi xeutaq b'i pa Jericó chutaqexik i tinimit le. Rumali ati Rahab xaq i ralk'uwal xejeqi ku' aj Israel xaq k'a je o ku' wo'or.