JOSUÉ 2:3 - Wuj Pa K'ubultzij

³ Are uri i ajawinel xutaq ub'ixkil i tziji che ati Rahab: —Cheawesaj li achiyab' chi xek'un chawilik, chi je o chi awachoch, man ike le xa xek'un chutaqexik wach qach'akik kki'ano —xcha.

JOSUÉ 2:3 Referans Kwoze

2 Samuel 10:3

i kaj-atzil aj Amón xkib'ij che ma Hanún chi aj-atzil: “¿Nim laj winaq, kakoj b'a yet ile chi ma David xeutaq li i achiyab' le chuya'ik ukowil ak'ux xaq chukojik taq u'ij etz aqajaw? ¡Ile xeutaq loq xa chuk'ak'alixik i qatinimit, man keje ile k-on panoq kkichup uwach chqe!”

Hechos 12:6

O jun a'ab' chuxe'el ujachik te'eq i ma Pedro chkiwach i winaq rumal ma Herodes, i ma Pedro qus uwaram chila prexil, lik chkixol i keb' achiyab' o wi chi je yij che i ch'oj, xaq ximom u'ab' ru' keb' karena xaq je o jub'an chik achiyab' chi je yij che i ch'oj je o chila xol uchija man kkichajij.

Hechos 12:4

Are xuchap ma Pedro xutz'apij prexil, chila je o kajib' tzob'aj achiyab' chuchajixik chi je yij che i ch'oj, je kajkaj pa taq tzob'ajil. Xuch'ob' ire chi are kk'is i nima'ij Pascua, kresaj li ma Pedro chkiwach i winaq.

Juan 19:4

I ma Pilato xel chal julaj chik, xub'ij chke i winaq: —Chiwila pe', kwesaj na li achi chiwach man kiwilb'ej re chi yin lik nti umak xinriqo.

Job 21:30

Chi are kmi' roywal i Dios, kutaq li k'ax, xwiri i utz ti laj winaq lik nti kuk'ulmaj?

PRIMER LIBRO DE CR%D3NICAS 19:3

i kaj-atzil aj Amón xkib'ij che ma Hanún: “Nim laj winaq, ¿Kakoj b'ari yet ile chi ma David xutaq li achiyab' le chuya'ik ukowil ak'ux xa rumal uya'ik u'ij etz aqajaw? ¿Xek'un ti nawi chuk'ak'alixik qatinimit, man keje ile kkichupsaj uwach?”

JOSUÉ 10:23

Keje ile xki'ano, xkesaj li jo'ob' ajawinelab' chupam i pek ke aj Jerusalén, ajawinel aj Hebrón, ajawinel aj Jarmut, ajawinel aj Laquis xaq i ajawinel aj Eglón.

LEVÍTICO 24:14

Chawesaj b'i achi chixol chi k'ax xch'aw chwij; konojel ni'pa i xkita wach i xub'ij, chkiya ki'ab' puwi ujolom, te'uri konojel ni'pa aj Israel chkikamsaj ni ru' ab'aj.

GÉNESIS 42:31

Xwiri yoj xqab'ij che chi oj utz laj taq winaq, oj k'ak'alinel taj.

GÉNESIS 38:24

Kolo moq oxib' ik' chik uk'ulmaxik ile, are uri xb'ix che ma Judá: —I awalib' chi ati Tamar x-on che rib' chi chwach uch'akul kuch'ak wi umer; rumal i xaqmanal xu'ano le, wo'or rax winaq chik —xecha. Are uri ma Judá xsik'in chub'ixkil: —¡Chiwesaj li chisaq, chinak'a a' che! —Xcha.

JOSUÉ 2:2

Xwiri i winaq xe'e ru' i ajawinel re i Jericó, xkib'ij che: —Chata pe', xe'ok li keb' achiyab' aj Israel che a'ab'i chretamaxik wach u'anom qatinimit —xecha.

JOSUÉ 2:4

Xwiri ixoq le je ruwam chik achiyab', rumali xub'ij: —Saq laj tzij ile chi xek'un keb' achiyab' wu', xwiri xwetamaj taj je aj ipa.

2 Samuel 17:20

Are xeupon i rajchak ma Absalón, xkitz'onoj che ixoq: —¿Ipa o wi ma Ahimaas xaq ma Jonatán? Are uri ixoq le xub'ij chke: —Xeik'aw waral suk'ulik xe'e chi raqana. Are uri i rajchak ma Absalón le xe'e chkitzukuxik; xwiri are xkiriq taj, xetzalij chik pa Jerusalén.

Jueces 4:20

I ma Sísara xub'ij che ati Jael: —Chat-ol xolchija re i mujb'al, we o jun kk'unik i kutz'onoj taq chawe we o jun winaq pa ja, kab'ij che chi ntaj.