JOSUÉ 2:18 - Wuj Pa K'ubultzij

¹⁸ Are kojok li yoj pa tinimit, katzayb'a i laso kaqi pa wantana chi kaqajsab'ej b'i qe wo'or; xaq kamol ni kichi' konojel ni'pa i awachalal, awatz acha' xaq aqajaw achuch waral chi awachoch.

JOSUÉ 2:18 Referans Kwoze

JOSUÉ 6:23

Are uri i keb' achiyab' le, xekesaj li ati Rahab junam ku' uqajaw uchuch, ratz ucha', xaq i rachalal; konojel xekik'am b'i che jun k'ijib'al chi xib'in ib' taj naqaj che i kik'ijib'al i aj Israel.

JOSUÉ 2:21

—Utzi' —xub'ij ati Rahab, ch-antaj na pacha xib'ij yix. Te'uri xeu'ijla b'ik, ike xe'ek; chrijil chik ki'enam ire xuyut' i laso kaq che i wantana.

Hebreos 9:19

I mam Moisés xutzijoj ronojel i tzij pixab' re u'atb'al tzij i Dios chke i winaq. Te'uri xuk'am chij kaq xaq jun u'ab' che' chi hisopo ub'i, pacha es re mesb'al, xumu chupam i kik' ke i ral taq me' xaq ke jub'an ral taq chab'at, i kik' le xukoj ya ru' i xukitzka chwach i wuj ipa tz'ib'tal wi u'atb'al tzij i Dios, xaq xukitzka b'i pkiwi i winaq.

Hechos 10:33

Rumali chi juntir xintaq asik'ixik, i yet lik utz ak'ux man lik xatpe la. Wo'or qamolom qib' chi chwach i Dios kqaj kqata ronojel ni'pa at utaqom li Ajwal chub'ixkil chqe; xcha ma Cornelio.

LEVÍTICO 14:4

kutaq uri uk'amik keb' ral taq tz'ikin chi lik je ch'am, re anb'al ch'am che iwab' le, che' chakalte', k'ul kaq xaq es chi pacha es re mesb'al.

2 Timotéo 1:16

Xwiri, i ma Onesíforo keje ti ile xu'ano; ire xk'ix ti che chi in o prexil. K'iyalmul xuya ukub'ib'al ink'ux; rumali kintz'onoj che Dios chi chuya ni utzil chomal puwi, puwi i rixoqil xaq pkiwi i rak'al.

Hechos 11:14

ire kub'ij ni chawe wach uto'ik ak'aslemal yet xaq kik'aslemal konojel awalk'uwal ka'ano; xub'ij i ángel che.

Hechos 10:27

Tz'aqat ktijin che i lapanik ru' xok b'i pa ja, are uri xeril k'iyal winaq chi kimolom kib' chila.

Lucas 19:9

I Jesús xub'ij che: —Wo'or, yet junam ku' awalk'uwal iriqom chik tob'al iwe chwach i Dios —xcha. Te'uri xub'ij i tziji: —Ire xaq umuq uxikin kan i mam Abraham pacha yix.

NÚMEROS 19:6

Are uri i wajsujul sipon Yin le kuk'am jun che' chakalte', jun u'ab' hisopo pacha es re mesb'al xaq i k'ul kaq, kuk'aq qaj pa a' ipa kporox i b'aka.

NÚMEROS 4:8

Te'uri krip jun k'ul kaq puwi ronojel ile, chrijil chik ile te'uri krip chub'i jun tz'um wajim, pa k'isb'al re kiya puwi keb' che' k'amb'al b'i re.

GÉNESIS 12:2

Kin-an ni jun nim laj tinimit chke amuq axikin, kinya ni utzil chomal pawi; i ab'i xaipa na kkuxtax wi, xaq at utzil chomal na chke jub'an chik winaq.

GÉNESIS 7:1

I Ajwal xub'ij che ma Noé: “Chatok b'i chupam i nim laj kanuw chi pacha ja, junam ku' awalk'uwal, man wilom chi xwi yet suk'ul ak'aslemal chkixol konojel i winaq.

Ester 8:6

¿Wach uch'ijik kin-an yin uri, we kekamsax konojel inwinaq, xaq we kchupsax kiwach i walk'uwal?

Cantares 4:3

I achi' lik kaq pacha ktzun i chij kaq lux, xaq i atzij lik chom ktatajik. Xaq i uperaj apalaj keje pacha jun turas pirtal pa nik'aj chi kuwam kib' chrij i k'ul re ch'uqb'al ajolom.

ÉXODO 12:13

I kik' chi o che i ja, are k'utb'al re ipa ix jeqel wi yix; man Yin are kwil i kik' kinik'aw suk'ulik, keje kikamsaxik aj Egipto ile kin-ano, xwiri yix mijun tojpen kinya piwi.

JOSUÉ 6:25

Keje uto'ik uk'aslemal ati Rahab ile xu'an ma Josué man xeruwaj i keb' achiyab' chi xeutaq b'i pa Jericó chutaqexik i tinimit le. Rumali ati Rahab xaq i ralk'uwal xejeqi ku' aj Israel xaq k'a je o ku' wo'or.