JOSUÉ 19:51 - Wuj Pa K'ubultzij

⁵¹ Keje uk'isik ujachik ulew ile xki'an ma Eleazar, chi ajsujul sipon, i mam Josué xaq i kaj-atzil kalk'uwal i kab'lajuj tzob'aj je aj Israel. I sakinik re i ulew le xki'an pa tinimit Silo chwach i Ajwal chila pa okb'al b'ik che i ja re riqb'al ib' ru' i Dios.

JOSUÉ 19:51 Referans Kwoze

JOSUÉ 18:10

I mam Josué xusakij ulew chwach i Ajwal chila pa Silo, te'uri xujach chke i je aj Israel chrij kitzob'ajil.

JOSUÉ 14:1

Are ulew Canaán iri chi xjach chke i je aj Israel rumal ma Eleazar chi ajsujul sipon, rumal mam Josué xaq kumal i kaj-atzil i kab'lajuj tzob'ajil aj Israel.

JOSUÉ 18:1

Are xkanaj i tinimit pki'ab' i je aj Israel, are uri xkimol kib' konojel i je aj Israel k'a pa Silo, chila ipa o wi i ja re riqb'al ib' ru' i Dios.

Juan 17:2

Yet aya'om i atb'al tzij pu'ab' Ak'ojol pkiwi konojel i winaq, yab'al kik'aslemal chi nti uk'isik, chke konojel ni'pa i xeaya che.

Mateo 25:34

Te'uri i Ajawinel kub'ij ni chke i je o puwiqab'im: “Utz iwe yix; uya'om ni utzil chomal Inqajaw piwi. Chixpetoq, chixok che i k'ijib'al chi uyijb'am Ire chiwe k'a chuxeb'al li ij saq.

Mateo 20:23

Are uri i Jesús xub'ij: —Qatzij, yix is kixik'aw ni chupam i k'axi, xaq kitij ni uyej pacha kinik'aw wi Yin. Xwiri, nti pin-ab' Yin kinb'ij pachin kkub'i pinwiqab'im xaq pinmoxim. Xwi Inqajaw o pu'ab'; Ire uyijb'am chik i k'olb'al le, Ire reta'am pachin kek'iji che, —xub'ij i Jesús chke.

Salmos 78:60

xaq xro'taj i ja re riqb'al ib' ru' i Dios chila Silo, chi are te'eq rachoch ile chkixol i winaq.

1 Samuel 1:3

Junab' junab' i ma Elcana le k-e che jun k'ijib'al chi Silo ub'i, chila kukoj wi u'ij i Ajwal chi ronojel ktiki che xaq kusujuj usipon chwach. Chila pa Silo je o keb' uk'ojol ajsujul sipon chi ma Elí are kib'i iri: A Ofni xaq i a Finees, ike le chekeb' je ajsujul sipon re i Ajwal.

Jueces 21:21

Chikojo retalil, are ke'el li altom kexajawik, xaq chixel li yix pa iwuwam wi iwib', chik'ama jun iwe chke i altom le, te'uri jix pa taq iwulew.

Jueces 21:19

Xwiri junab' junab' o jun nima'ij re i Ajwal chila pa Silo, chi o chila pa moxab' che i Betel, chi xaq prelb'al ij che i b'e chi k-e che i tinimit Betel xaq che i tinimit Siquem, xaq pa wiqab' che i tinimit Lebona.”

GÉNESIS 49:10

Mijun kelsaw ucho'ab' ma Judá xaq i ch'amiy chi o pu'ab' k'a kk'un ni rajaw i ch'amiy, chi konojel i tinimit kekojon ni che.

Hechos 13:19

xaq xusachsaj kiwach wuqub' nimaq taq tinimit chila Canaán, jachb'al re ulew chke i qatit qamam.

JOSUÉ 20:1

I Ajwal xlapan ru' mam Josué, xub'ij che: