JOSUÉ 19:30 - Wuj Pa K'ubultzij

³⁰ Uma, Afec xaq i Rehob, Keb' juwinaq tinimit ronojel rachi'ilam ukomon.

JOSUÉ 19:30 Referans Kwoze

1 Reyes 20:30

I jub'an chik achiyab' xe'anmaj b'ik, xe'e pa tinimit Afec, xwiri i tapial nim uwach re i tinimit xtzaq li pkiwi i lajujwinaq wuqmo' oxchiy (27,000) achiyab' chi xkich'ij anmajik. Ma Ben-adad xaq x-anmajik, xupon chila pa tinimit le, chila xruwaj wi rib' chi taq ja.

1 Samuel 4:1

A Samuel kub'ij chke aj Israel ronojel ni'pa kb'ix che rumal i Dios. Che taq i ij le xkimol kib' aj Filistea chu'anik ch'oj chkij aj Israel, rumali aj Israel xkitak'b'a kib' chu'anik ch'oj chkiwach aj Filistea xek'iji chila pa Eben-ezer xaq aj Filistea xek'iji chila pa Afec.

JOSUÉ 21:31

Helcat xaq i Rehob; kajib' tinimit ronojel, rachi'ilam ulew re kiwayb'al i chikop.

JOSUÉ 19:28

kumaj b'i tinimit Hebrón, Rehob, Hamón xaq i Caná, kupon k'a che i nim laj tinimit Sidón.

JOSUÉ 13:4

chi o chila pa wiqab', xaq ronojel kulew je aj Canaán chi kjeqan li uchi' pa taq tinimit ke je aj Sidón, kupon k'a pa Afec, chuchi' kulew je aj Hamor,

JOSUÉ 12:18

ajawinel re i tinimit Afec, ajawinel re i tinimit Sarón;

NÚMEROS 13:11

Ma Gadi, chi rak'al ma Susi, chi are jun chke utzob'ajil ma José, chi ke'eloq are utzob'ajil ma Manasés.

JOSUÉ 19:29

Te'uri kupek'ij chub'i uchi' ulew le che i tinimit Ramá, te'uri k-e k'a che i tinimit Tiro chi sutim rij pa tapial nim uwach, te'uri k-e chik uchi' k'a pa Hosa, kel k'a chuchi' i mar Mediterráneo, naqaj che i jyub' Aczib.

JOSUÉ 19:31

Are kulew kalk'uwal utzob'ajil ma Aser ile chrij pacha kik'iyal i kalk'uwal, rachi'ilam i tinimit xaq i ukomon.

1 Samuel 29:1

I aj Filistea xkimol kichi' konojel i achiyab' chi je yij che i ch'oj chila che i k'ijib'al Afec; xaq konojel aj Israel chi je yij che i ch'oj xkimol kib', chila chuchi' ralaxb'al ya Jezreel.

Jueces 1:31

Xaq i je utzob'ajil ma Aser xetiki ti chkelsaxik b'i winaq chi je jeqel chila pa tinimit Aco, Sidón, Ahlab, Aczib, Helba, Afec xaq i tinimit Rehob. I utzob'ajil ma Aser xetiki tu b'i chkelsaxik aj Canaán rumali junam je o wi wo'or.

Ezequiel 28:21

Yet, winaq, chattzalij pa Sidón, chatch'aw pinb'i chrij ire.