JOSUÉ 18:12 - Wuj Pa K'ubultzij

¹² I uchi' ulew pa moxab', kjeqan li chuchi' i ya Jordán, kpaqi b'i chwa taq jyub' pa moxab' che i Jericó, te'uri k-e chik pusuk' i uqajb'al ij chila tzam taq jyub', ke'el k'a pa tz'inilik jyub' chaqij Bet-avén.

JOSUÉ 18:12 Referans Kwoze

JOSUÉ 16:1

I ulew chi xya' kan chke umuq uxikin i etz ma José, kjeqan b'i uchi' chuchi' i raqana Jordán chila prelb'al ij, kupon k'a chi taq ralaxb'al ya Jericó, te'uri kel b'i uchi' k'a pa tz'inilik jyub' chaqij, chi kpaqi b'i pa Jericó k'a tzam taq jyub' Bet-el.

JOSUÉ 7:2

Are uri ma Josué xeutaq b'i jub'an achiyab' pa tinimit Hai, naqaj che i tinimit Bet-avén chi o chila prelb'al ij che i tinimit Betel, xub'ij chke: Jix pa tinimit Hai, chiwila wach okik kqa'an chila; are uri xe'e ike chrilik i tinimit le.

Oseas 10:5

I winaq re i tinimit Samaria keb'arb'atik; ke'o' che usachik uwach i uk'exwach i me' re i Bet-avén. Rumal ire ketz'uyin i tinimit xaq i ajsujul sipon, man i uchomalil lik sachnaq.

Oseas 5:8

¡Chixut'ij i rok'a' i chikop re i ch'oj pa Gabaa xaq i trompeta pa Ramá! ¡Chiya utzijol pa tinimit Bet-avén! ¡Chitika i xib'in ib' pa Benjamín!

Oseas 4:15

We yet, Israel, ka'an i ch'am taj, xwiri i tinimit Judá nti umak che ile. ¡Mix-e yix pa Gilgal xaq mixel b'i pa Bet-avén xaq mikuxtaj uk'aslemal i Ajwal puwi jun tzij! Man Ire lik k'aslik.

JOSUÉ 6:1

I winaq aj Jericó xkitz'apij uchija re i okb'al che i tinimit tob'al kib' chkiwach i aj Israel, rumali mijun winaq kok b'ik xaq mijun kel loq.

JOSUÉ 2:1

I ma Josué chi uk'ojol ma Nun, are je o chila Sitim, ani'al xeutaq b'i keb' achiyab', xub'ij chke: “Jix chrilik ulew, wach u'anom, xaq i tinimit Jericó.” Xcha. Are xe'upon i ajtaqenel le pa tinimit Jericó, xe'ok chi rachoch ati Rahab, chila xkik'awsaj wi a'ab'; i ati Rahab le are jun ixoq chi kuch'ak umer chwach uch'akul.

JOSUÉ 8:15

Ma Josué xaq konojel uwinaq xki'an che kib' pacha taq xkixij kib', rumali xe'anmaj chkiwach i aj Hai, xkimaj b'i b'e chi k-e pa tz'inilik jyub' chaqij.

JOSUÉ 18:11

I ma Benjamín are nab'e tzob'aj ile chi xya' kulew chrij pacha kik'iyal i kalk'uwal, i kulew le xkanaj chuxol kulew utzob'ajil ma Judá xaq i ma José.

1 Samuel 13:5

Xaq aj Filistea xkimol kib' chu'anik ch'oj chkij aj Israel. I aj Filistea le o jo'lajujmo' oxchiy (30,000) ch'ich' ku' chi anb'al ch'oj, jo'lajujmo' (6,000) achiyab' je yij che i ch'oj chi ke'an chkij i kaway xaq i achiyab' je yij che i ch'oj chi keb'in chaqan, lik je k'i pacha i seneb' chi taq mar. Xe'e pusuk' i tinimit Micmas chila xek'iji wi, prelb'al ij che i tinimit Bet-avén.