5 Are ulew iri chi xya' kan chke utzob'ajil ma Efraín chrij kik'iyal i kalk'uwal: I uchi' kulew prelb'al ij kjeqan b'i pa Atarot-adar, uponnaq k'a pa Bet-horón chi o Ajsik.
Te'uri kel chik uchi' chila pa Luz chi Betel kb'ix che, chila pa wiqab' te'uri kqaj chub'i k'a pa Atarot-adar naqaj che i jyub' chi o pa wiqab' che i Bet-horón chi o Ikem.
I Ajwal xusach kinojb'al i aj Hamor xaq lik xkixij kib' chke i aj Israel, rumali je k'i chke xekam chila Gabaón. Ni'pa i xe'anmajik xeterb'ex b'i kumal i aj Israel, are xekimaja, xekikamsaj che i b'e re i Bet-horón, xkik'isa kikamsaxik k'a che i tinimit Azeca xaq che i tinimit Maceda.
Ni'pa kulew xaq i k'ijib'al ipa xejeqi wi, are iri: Bet-el; Naarán chi k-e pusuk' i relb'al ij, Gezer chi k-e pusuk' i qajb'al ij, xaq i Siquem, xupon k'a Gaza; ronojel i tinimit le junam ru' jalajuj taq ukomon.