JOSUÉ 15:7 - Wuj Pa K'ubultzij

⁷ Te'uri kpaqi tan chub'i pa Debir chi o chwa ta'aj Acor, te'uri kupek'ij li puwi i Gilgal chi o chwach i paqpik chi Adumín ub'i, pa wiqab' che i jun ub'eya, k-e chik uchi' ulew le chuchi' En-semes, ke'el k'a chuchi' i ralaxb'al ya Rogel.

JOSUÉ 15:7 Referans Kwoze

1 Reyes 1:9

Che taq i ij le ma Adonías xuyijb'a jun nim laj wa'im chila chuk'ulel i nim laj ab'aj Zohelet, chi o naqaj che i ralaxb'al ya Rogel. Chila xeukamsaj wi i chij, torib' xaq i ral taq me' chi lik je ti'ojab', xeusik'ij konojel ni'pa i je ratz ucha' chi je rak'al i ajawinel, xaq konojel achiyab' aj Judá chi kki'an kipatan chrij i ajawinel.

2 Samuel 17:17

Xwiri i ma Jonatán xaq i ma Ahimaas le je oknaq tu b'i pa tinimit man kkaj taj ke'iltajik, rumali chi kuwam kib' chila ipa o wi ralaxb'al ya chi Rogel ub'i, rumali chi jun ali ajchak x-e la chub'ixkil chke; are uri ike le juntir xe'e la chub'ixkil che ma David.

JOSUÉ 7:26

Pa k'isb'al re xkit'ub'a jub'an ab'aj chila ipa xejar wi pa a', i ab'aj le k'a t'ub'ul chila wo'or. Keje relsaxik roywal i Ajwal ile xu'ano. Rumali i k'ijib'al le ta'aj Acor ub'i.

Oseas 2:5

I kinan xuk'ayij rib'; lik xuk'aq b'i u'ij, are xub'ij: Kin-e chkitzukuxik i achiyab' chi je we ani'al, chi are keyaw inwa re trigo, inya', inchij, in-lino, in-aceite xaq i uwa'al uva muqb'am.

ISAÍAS 65:10

I uwa ta'aj Sarón knoj ni chke i chij, xaq che uwa ta'aj Acor ke'esan ni i chikop chi re ni i tinimit chi kinutzukuj.

JOSUÉ 15:15

Chrijil chik ile, xpaqi b'i chu'anik ch'oj chkij ni'pa i je o pa Debir; chi ujer Quiriat-sefer ub'i te'eq.

JOSUÉ 10:43

Te'uri ma Josué xaq konojel i je aj Israel xetzalij b'i pa kik'ijib'al pa Gilgal.

JOSUÉ 7:24

Ma Josué xaq konojel i je aj Israel xkik'am b'i Acán chi umuq uxikin ma Zera che jun ta'aj chi Acor ub'i, xkik'am b'i ronojel ni'pa i rel-am xaq i rak'al, uchikop, u'axna, uchij, k'ul chi re umujanb'al, xaq ronojel ni'pa ub'itaq re.

JOSUÉ 4:19

I aj Israel xe'el chi ya Jordán che i lajuj ij re i nab'e ik', are xe'upon chila Gilgal xek'iji chila prelb'al ij che i tinimit Jericó.

JOSUÉ 15:6

i uchi' le kel b'i pa Bet-hogla, kik'aw pa moxab' che i Bet-arabá, te'uri kpaqi b'i ipa o wi i Ab'aj re ma Bohán chi uk'ojol i ma Rubén,

JOSUÉ 18:17

Te'uri xupek'ij chub'i rib' uchi' pa moxab' kel k'a pa En-semes, relik uchi' chila k-e k'a Gelilot, chi o chwach i paqpik jyub' Adumín, te'uri kqaj chub'i chwi Ab'aj re ma Bohán chi uk'ojol ma Rubén.