JOSUÉ 15:2 - Wuj Pa K'ubultzij

² I uchi' ulew chila pa wiqab' le kjeqan li pa okb'al chuchi' i Mar Tza,

JOSUÉ 15:2 Referans Kwoze

Ezequiel 47:8

Are uri xub'ij chwe: I ya ri k-e k'a che i ulew prelb'al li ij xaq kupon k'a chuchi' taq i ya Jordán, te'uri kqaj k'a pa Mar Kamnaq; are o chik chila pa mar, i ya re i mar le k-on ni ch'am.

ISAÍAS 11:15

I Ajwal kujaq ni jun kib'e chupam i Mar Kaq, kuya ni u'ab' puwi i raqana Éufrates, kuxut'ij ni jun nim laj tew chi lik xib'rikil chi ku'an b'i wuqub' u'ab' che i ya, xaq lik kkesaj ti kixajab' are kki'axuj i ya le.

GÉNESIS 14:3

I jo'ob' ajawinelab' le xkimol kichi' i kiwinaq chi je yij che i ch'oj chila chwa ta'aj Sidim, chi are i Mar Kamnaq kb'ix che.

Ezequiel 47:18

Uchi' re prelb'al ij k-e k'a che i k'ijib'al chkixol i Haurán xaq i Damasco k'a che i tinimit Tamar, chutzal i Mar Kamnaq, che unajtil raqan i ya Jordán, chi kajwax na re ujachik kixol i tinimit Galaad xaq re i Israel.

NÚMEROS 34:3

I uchi' ulew pa wiqab' kik'aw chuchi' i tz'inilik jyub' chaqij chi Zin ub'i xaq kik'aw chuchi' ulew Edom, i uchi' prelb'al ij, kmajan b'i pa wiqab' che i Mar Tza,

JOSUÉ 15:1

I ulew chi xya' kan chke i kalk'uwal utzob'ajil ma Judá kupon uchi' k'a chuchi' i Edom, xaq kumaj b'i ronojel i tz'inilik jyub' chaqij Zin kupon k'a pa wiqab'.

JOSUÉ 15:3

kel chik uchi' chila pa wiqab', kpaqi b'i chwa jyub' Acrabim, kik'aw k'a pa tz'inilik jyub' chaqij Zin xaq kel chub'i chwa jyub' pa wiqab' k'a pa Cades-barnea; kik'aw pa Hezrón, kpaqi b'i pa Adar xaq kupiskilij li rib' pa Carca,