JOSUÉ 15:11 - Wuj Pa K'ubultzij

¹¹ Te'uri k-e pa moxab' che uwa jyub' Ecrón, xaq kupek'ij chub'i pa Sicrón, kik'aw che i jyub' Baala, ke'el k'a pa Jabneel, kek'is uchi' ulew le k'a chuchi' i mar Mediterráneo.

JOSUÉ 15:11 Referans Kwoze

2 Reyes 1:16

Are xeupon ru' i ajawinel, i ma Elías xub'ij che: —Keje iri kub'ij i Ajwal: “¿B'uchak chi xataq b'i ajb'il tzij ru' i tiox Baal-zebub, chi are kitiox aj Ecrón, pacha taq nti Dios pa Israel chi katuto? Rumali chi katwalij ti chik chwi ach'at, chila katkam wi.”

2 Reyes 1:6

Are uri ike xkib'ij che: —Man xojuk'ulaj jun achi pa b'e, xub'ij chqe chi kojtzalij chub'i ru' i ajawinel chi oj utaqom b'ik, xaq kqab'ij ni i tziji chawe: Keje iri kub'ij i Ajwal: “¿B'uchak chi katz'onoj taq che i tiox Baal-zebub, chi kitiox aj Ecrón, nti b'awa Dios pa Israel? Rumal i xa'ano le wo'or, katwalij ti chik chwi ach'at, chila katkam wi. Keje ile xub'ij i achi le chqe.”

1 Samuel 7:14

Ronojel i tinimit chi xkik'am te'eq aj Filistea xkanaj chik pki'ab' aj Israel, xjeqan li che i tinimit Ecrón k'a che i tinimit Gat. Keje uri ile chi aj Israel xkik'am chik kulew chi majom te'eq chke kumal aj Filistea, xaq lik xk'iji i chomb'al ib' chkixol aj Israel ku' aj Hamor.

1 Samuel 5:10

Are uri i aj Filistea xkik'am b'i lo'laj ukaxa i Dios chila pa Ecrón, xwiri i winaq aj Ecrón le xesik'in rumal kixib'rikil xkib'ij: “¡Xkik'am li kaxa re ki-Dios aj Israel qu' kamsab'al qe qonojel!” Xecha.

JOSUÉ 15:45

Ecrón rachi'ilam ral taq tinimit xaq ukomon chi o chrij chwach;

JOSUÉ 15:9

Che i jyub' le kuko'ij chub'i uchi' pusuk' i ralaxb'al ya Neftoa, te'uri kik'aw chik uchi' le pa taq tinimit re i jyub' Efrón, kqaj b'i pa Baala chi Quiriat-jearim ub'i.

JOSUÉ 15:10

Xel chik uchi' chila Baala x-e k'a puqajb'al ij che i jyub' Seir, kik'aw pa Quesalón pa moxab' che i jyub' Jearim, te'uri kqaj chub'i uchi' ulew le pa Bet-semes xaq kik'aw pa Timna.

JOSUÉ 15:12

I uchi' ulew le puqajb'al ij are i mar Mediterráneo. Ile are uchi' ronojel i kulew i kalk'uwal i utzob'ajil i ma Judá, chi xjach chke chrij i kitzob'ajil.

1 Samuel 17:52

Are uri konojel achiyab' aj Israel xaq i achiyab' aj Judá kesik'inik xekiterb'ej b'ik k'a pa okb'al re i tinimit Gat, xaq k'a pa okb'al re i tinimit Ecrón. Che ronojel i b'e chi kel b'i pa tinimit Saaraim kupon k'a pa tinimit Gat xaq i Ecrón, lik je jab'ernaq chik kich'akul achiyab' aj Filistea chi je yij che i ch'oj.

NÚMEROS 34:6

I uchi' ulew le puqajb'al ij k-e chi taq uchi' i mar Mediterráneo.

Jueces 1:18

Xaq utzob'ajil ma Judá xetiki ti chuk'amik i tinimit Gaza junam ru' ronojel ukomon, tinimit Ascalón junam ru' ronojel ukomon xaq i tinimit Ecrón junam ru' ronojel ukomon.

1 Samuel 5:8

Are uri xkitaq utzijol ku' konojel kaj-atzil aj Filistea man kkimol kib' ku' xaq xkitz'onoj chke: —¿Wach kqa'an che i kaxa re ki-Dios aj Israel? I aj-atzil xkib'ij: —Chik'ama b'i pa tinimit Gat. Are uri aj Filistea xkik'am b'i chila.

SEGUNDO LIBRO DE CR%D3NICAS 26:6

Ma Uzías xujeq u'anik ch'oj chkij aj Filistea, xuwulijsaj i tapial nim uwach chi o chrij i tinimit Gat, Jabnia xaq Asdod xaq xuyak i jalajuj taq tinimit chkixol aj Filistea chila pa Asdod.