JOSUÉ 13:29 - Wuj Pa K'ubultzij

²⁹ I etz mam Moisés xaq xuya kan ulewi chke nik'aj chke rak'al ma Manasés, chrij pacha kik'iyal i kalk'uwal.

JOSUÉ 13:29 Referans Kwoze

JOSUÉ 13:28

Ile are kulew, kitinimit xaq kikomon je rak'al kan ma Gad chrij pacha uk'iyal i kalk'uwal.

JOSUÉ 13:30

Are ulew chi re te'eq ma Og, chi ajawinel te'eq puwi i tinimit Basán; ronojel ulew Basán le kjeqan li uchi' pa Mahanaim, kumaj b'i oxwinaq (60) tinimit chi o chupam ulew Jair.

NÚMEROS 32:22

xaq are tikinaq chik chumajik ulew le, te'uri utz kixtzalij chik chi iwachoch chijujunal, man ya xi'an uri pacha xib'ij chwach i Ajwal xaq pacha xib'ij chke aj Israel. Lik kkanaj ni uri i ulew le pi'ab' man keje ile kub'ij uri i Ajwal.

NÚMEROS 32:40

Are uri ma Moisés xuya i tinimit Galaad xaq ronojel i ulew chi o chrij chwach, chke umuq uxikin ma Maquir, are uri ike xejeqi kan chila.

Deuteronomio 3:13

I nik'aj chik che jyub' Galaad, ronojel ulew Basán chi re te'eq i ajawinel ma Og xaq ronojel ulew Argob, chi xaq etamam chi are kulew aj Refaim, xinjach chke nik'aj ulemajil ma Manasés.

JOSUÉ 17:5

Keje u'anik ile chi utzob'ajil ma Manasés xya' chik lajuj setaj kulew, ile uwi chik i xya' chke chila Galaad xaq i Basán chi o prelb'al ij che i ya Jordán.

JOSUÉ 17:6

Keje ile, man i je umi'al i ma Manasés xya' kulew keje pacha xya' chke i achiyab', man ulew Galaad xya' chke jub'an chik umuq uxikin i ma Manasés.

JOSUÉ 22:7

I nik'aj chke utzob'ajil ma Manasés, yatal chik kulew rumal etz mam Moisés chila pa Basán. Xwiri i nik'aj chik chke utzob'ajil ma Manasés, are chik mam Josué xyaw kulew chila puqajb'al ij che i Jordán. Chke i nab'e taq nik'aj tzob'aj xuya utzil chomal pkiwi xaq xeutaq b'i chi kachoch.

PRIMER LIBRO DE CR%D3NICAS 5:23

I nik'aj utzob'ajil ma Manasés xejeqi chwach ulew Basán k'a chwach ulew Baal-hermón, Senir xaq i jyub' Hermón, man lik je k'i.