JOSUÉ 12:5 - Wuj Pa K'ubultzij

⁵ I ajawinel le o pkiwi i je o chwi jyub' Hermón, pkiwi i je o pa Salca xaq pkiwi konojel i je o pa Basán, xaq k'a pkiwi i je o chi kichi' aj Gesur, xaq pkiwi i je aj Maaca, xaq pa nik'aj che i Galaad, chi rulew ma Sehón, ajawinel ke aj Hesbón.

JOSUÉ 12:5 Referans Kwoze

Deuteronomio 3:14

Ma Jair, chi umuq uxikin ma Manasés, xuya rib' ire chwach ronojel ulew Argob chi kupon uchi' k'a che ulew Gesur xaq k'a che ulew Maaca. Ire xukoj ub'i che i ulew le, chi Havot-jair chi k'a are kb'ix che wo'or, i ulew chi Basán te'eq ub'i.

1 Samuel 27:8

I ma David junam ku' i achiyab' xe'e chumajik ub'itaq ke i winaq chke chi je jeqel pa jalajuj taq tinimiti: Gesur, Gezer xaq i tinimit Amalec, lik ujer je jeqel chila che i ulew le, chi kusuk'b'a b'i pa tinimit Shur k'a kupon che i tinimit Egipto.

JOSUÉ 13:11

Xaq xumaj b'i kulew je aj Galaad, kulew je aj Gesur, kulew je aj Maaca, ronojel i jyub' Hermón, xaq ronojel ulew pa Basán, xupon k'a Salca;

2 Reyes 25:23

I aj-atzil ke achiyab' chi je yij che i ch'oj aj Judá, xaq konojel i achiyab' chi je yij che i ch'oj, are xketamaj wach xk'ulmaxik le, xe'e pa tinimit Mizpa che i lapanik ru' ma Gedalías. I kib'i achiyab' le je are iri: Ma Ismael, chi uk'ojol ma Netanías, ma Johanán, chi uk'ojol ma Carea; ma Seraías, chi uk'ojol ma Tanhumet, chi aj Netofa, xaq ma Jaazanías chi, uk'ojol jun achi aj Maaca. Konojel xeachnimax b'i kumal kiwinaq.

2 Samuel 23:34

ma Elifelet, chi uk'ojol ma Ahasbai, i uqajaw ma Ahasbai le, aj chila Maaca; ma Eliam, chi uk'ojol ma Ahitofel, aj Gilo;

2 Samuel 15:8

Yin, chi in awajchak, are in o chila pa tinimit Gesur, re i tinimit Siria, xinb'ij pub'i i Ajwal chi we kuya chik chwe kintzalij chali pa Jerusalén, yin lik kinkoj ni u'ij uri'.

2 Samuel 13:37

Xwiri a Absalón x-anmaj b'ik, x-e ru' ma Talmai, chi uk'ojol ma Amiud, ajawinel pa tinimit Gesur. I ma David lik ij ij ko' che ma Amnón, chi uk'ojol, rumal ukamik. Keje u'anmajik a Absalón ile, oxib' junab' xk'iji chila pa tinimit Gesur.

2 Samuel 3:3

I ukab' a Quileab, chi ralab' ati Abigail, chi rixoqil kan etz ma Nabal aj Carmel; urox a Absalón chi ralab' ati Maaca, chi umi'al ma Talmai chi ajawinel re i tinimit Gesur;

JOSUÉ 12:1

Iri are i ajawinelab' chi aj Israel xetiki chkich'akik chi o kulew prelb'al ij che i raqana Jordán, kjeqan li uchi' ulew chi b'eya Arnón kupon k'a chwi jyub' Hermón, ru' ronojel ulew chi o puqajb'al ij re uwa ta'aj re i Jordán.

JOSUÉ 11:3

Xaq xutaq tzij ku' aj Canaán chi je o prelb'al ij, xaq ku' ni'pa i je o puqajb'al ij, chi je aj Hamor, je aj Het, je aj Ferez, je aj Jebús chi je o chwi taq jyub', xaq ku' i je aj Jiw chi je o chi raqan jyub' Hermón re i tinimit Mizpa.

PRIMER LIBRO DE CR%D3NICAS 5:11

I umuq uxikin ma Gad chi xejeqi chila chkiwach utzob'ajil ma Rubén, che ulew Basán k'a che i tinimit Salca, je are iri:

JEREMÍAS 40:8

xe'e ku' kiwinaq pa Mizpa, chrilik ma Gedalías. Chkixol ike le je o: Ma Ismael, uk'ojol ma Netanías; ma Johanán xaq ma Jonatán, je uk'ojol ma Carea; ma Seraías, uk'ojol ma Tanhumet; je uk'ojol ma Efai aj Netofa; xaq ma Jezanías, uk'ojol jun achi aj Maacat, xaq i je uwinaq.