JOSUÉ 11:6 - Wuj Pa K'ubultzij

⁶ Xwiri i Ajwal xub'ij che ma Josué: “Maxij awib' chke man chweq keje taq or iri konojel ike le je kamnaq chik, keinjach pi'ab'; ka'osij ni kaqan i kikaway xaq kanak' ni a' che i kich'ich' re kib'inb'al chi xaq re i ch'oj.”

JOSUÉ 11:6 Referans Kwoze

JOSUÉ 10:8

I Ajwal xub'ij che ma Josué: “Maxij awib' chke man Yin keinjach pa'ab'; mijun chke ike ktiki chach'akik.”

2 Samuel 8:4

I ma David xeuchap b'i jo'winaq kajmo' (1,700) achiyab' chi je yij che i ch'oj ajrij taq kaway, xaq xuchap b'i lajujmo' kachiy (20,000) achiyab' chi je yij che i ch'oj chi keb'in chaqan. Xwi ta la ile, xaq xu'oqij kaqan konojel i kaway chi kejek'aw i ch'ich' re ch'oj, xwi xeuya kan i kaway chi kejek'aw i jo'winaq (100) ch'ich'.

1 Samuel 11:9

Are uri xub'ij chke ajb'il tzij chi xek'unik: —Chib'ij chke i winaq aj pa tinimit Jabes re Galaad chi chweq pa'ij kojupon chkito'ik. Are uri i je ajb'il tzij xe'ek xaq xkilap chke aj Jabes, are xkita ike ile lik xekikotik.

JOSUÉ 11:9

Ma Josué xu'ano pacha xtaqi che rumal i Ajwal: Xu'osij kaqan i kaway xaq xunak' a' che i ch'ich' re kib'inb'al.

Oseas 14:3

I tinimit Asiria ktiki ti chqato'ik, xaq mitene koj-anmaj rij taq kaway. Kqab'ij ti chik qa-Dios che taq ronojel i qayijb'am yoj, man xwi awu' yet, Ajwal, i ak'alab' chi nti chik kiqajaw kichuch kuriq ni tob'al wachij.

ISAÍAS 31:1

¡To' kiwach ike chi ke'e pa Egipto chutzukuxik kitob'al, ike chi kkikub'a kik'ux chke i kikaway, ike chi kkikub'a kik'ux chke i uk'iyal kich'ich', xaq jub'an chi kkikub'a kik'ux chke i kikaway chi lik je k'i, xwiri lik ketzalij ti ru' i Lo'laj Dios ke aj Israel, lik kkitzukuj ti Ajwal!

ISAÍAS 30:16

xa xib'ij: “Kqaj taj, are utz koj-anmaj b'i rij taq kaway.” Utzi', keje ile chi'ana. Xaq xib'ij: “Koj-an ni chupam i kareta chi lik kuch'ij b'e.” Utzi', xwiri lik kkich'ij ni b'e i kixoqtawik.

Proverbios 20:7

Utz re i winaq chi suk'ul uk'aslemal, chi nti jun utz taj che, xaq utz ke kan i rak'al chi keterej chrij i utz chi kki'an kiqajaw chkiwach.

Salmos 46:11

¡I Ajwal chi ronojel ktiki che lik o qu' yoj! ¡I u-Dios ma Jacob are tol qe!

Salmos 46:9

Ire uchupum uwach i ch'oj chwach ronojel i jyub' ta'aj, upatz'om i k'aqb'al ch'ab', u'anom mutmut che i che' ch'ich' utzam, ¡Uk'atom i ch'ich' re anb'al ch'oj!

SEGUNDO LIBRO DE CR%D3NICAS 20:16

Chweq chixqaj li chu'anik ch'oj chkij. Ike ktijin li kipaqalem che i jyub' Sis, yix kik'ulaj ni chkiwach chuxukut i raqana chi o chwach i tz'inilik jyub' chaqij chila Jeruel.

JOSUÉ 3:5

I ma Josué xub'ij chke i winaq: “Chi'ana ch'am che iwib' man chweq i Ajwal ku'an i nimaq taq il chqaxol.” Xcha.

Deuteronomio 7:16

Xwiri yix rajwaxik chi kichup kiwach konojel i winaq chi kujach i Ajwal pi'ab', miwil jub'i' tob'al kiwach xaq mikoj ki'ij kitiox, man are ile kixtzaqsaw chupam i mak atzalal.

JOSUÉ 11:5

Konojel i ajawinel le xki'an jun che kib', are xeupon chuchi' i ya Merom junam xek'iji chila, re kki'anb'ej ch'oj chkij i aj Israel.

JOSUÉ 11:7

Rumali ma Josué xe'e junam ku' uwinaq chi je yij che i ch'oj, xaqte'et xeuponik xkijeq u'anik ch'oj ku' i je ajch'oj chkij, chila chuchi' i ya Merom.

Jueces 7:9

Che a'ab' le i Ajwal xub'ij che ma Gedeón: “Chatwalijoq man katqaj b'i chu'anik ch'oj ku' aj Madián, man keinjach pa'ab'.

Ezequiel 39:9

I winaq re i tinimit Israel ke'el na loq xaq kkinak' a' che i kich'ojb'al, jalajuj taq uk'iyal uwach ch'ich' re tob'al ib', k'aqb'al ch'ab', ch'ab', che' ch'ich' utzam xaq lik k'i ni kisi' olik chi kuch'ij wuqub' junab' chi kkinuk' ki'a' che.

NAHUM 2:13

I Ajwal chi ronojel ktiki che kub'ij: “Chi in o wi chu'anik ch'oj chawij: Keink'atsaj ach'ich' re i ch'oj, lik kin-an ni sib' chke; keinkamsaj ni ral taq awak'al; kinsachsaj ni uwach i el-anik chi o chwach awulew, xaq lik ktataj ti chik mas i kich'awb'al i keb'iw atzij.”

2 Reyes 6:16

Are uri ma Eliseo xub'ij: —Matok il xaq maxij awib', man lik je k'i i winaq chi je o qu' yoj chwach je o ku' ike.

Salmos 46:10

¡Chixuxlanoq! ¡Chiwetamaj chi Yin in Dios! ¡Yin in o puwi i nimaq taq tinimit! ¡Yin in o puwi ronojel i jyub' ta'aj!