JOSUÉ 11:23 - Wuj Pa K'ubultzij

²³ Keje umajik kan uri ronojel ulew ile xu'an ma Josué, xaq xujach chke i je aj Israel pa taq kitzob'ajil, chrij pacha utaqanik i Ajwal che i etz mam Moisés. Te'uri xuxlan i ch'oj chwach i jyub' ta'aj.

JOSUÉ 11:23 Referans Kwoze

Salmos 46:9

Ire uchupum uwach i ch'oj chwach ronojel i jyub' ta'aj, upatz'om i k'aqb'al ch'ab', u'anom mutmut che i che' ch'ich' utzam, ¡Uk'atom i ch'ich' re anb'al ch'oj!

JOSUÉ 23:1

Are lik k'iyal ij chik rik'awik i ch'oj chkixol i je aj Israel rumal i Ajwal ku' i je ajch'oj chkij xaq are lik rij chik mam Josué xaq k'iyal junab' chik o che,

JOSUÉ 22:4

Wo'or i Ajwal xu'an ut pacha ub'im, man xuya i uxlanem chke iwatz icha', chixtzalij uri chi iwachoch chila chwach iwulew chi uya'om kan etz mam Moisés chi rajchak i Ajwal chiwe, chila prelb'al ij che i raqana Jordán

JOSUÉ 18:10

I mam Josué xusakij ulew chwach i Ajwal chila pa Silo, te'uri xujach chke i je aj Israel chrij kitzob'ajil.

JOSUÉ 11:18

Ma Josué lik k'iyal ij xch'ojin ku' konojel i ajawinelab' le.

Deuteronomio 25:19

Rumali, are ix utom chik Iwajwal Dios chkiwach ajch'oj chiwij chi je o chrij chwach i ulew chi kuya Ire chiwe, rajwaxik kichup kiwach konojel aj Amalec chwach ulew le. ¡Lik msach chik'ux!

Deuteronomio 1:38

Are ni ma Josué, chi uk'ojol ma Nun, chi teren chawij chu'anik i chak kok nu b'i pak'exel yet che i ulew le. Chaya ukowil uk'ux man are ni ire kjachaw ni ulew chke aj Israel.

ÉXODO 34:11

Chi'ana pacha xinb'ij Yin chiwe wo'or, man Yin kewesaj nu b'i aj Hamor, je aj Canaán, je aj Het, je aj Ferez, je aj Jiw, xaq i je aj Jebús.

NEHEMÍAS 9:24

Ike xe'ok b'i pa tinimit Canaán xaq xkik'am kanoq, chkiwach ike xaqajsaj ki'ij i winaq chi je o te'eq chila junam ru' kajawinel, xaq i winaq le xajach pki'ab' man k-an chke pacha kkaj ike.

Ezequiel 45:8

I ulewi, re ni aj-ok'al utzam i jalajuj taq tinimit pa Israel; keje ile kki'an ti chik k'ax i aj-ok'al utzam i jalajuj taq tinimit chke inwinaq, man keje ile kkiya kan kulew chke aj Israel chrij i kitzob'ajil.

JOSUÉ 12:7

Are kib'i i ajawinelab' iri chi xekamsax kumal i je aj Israel rumal utaqanik ma Josué, i ajawinelab' le je o ch'aqa ya Jordán; i kulew i ajawinelab' le kjeqan li uchi' pa Baal-gad chi o chwa ta'aj Líbano, uponnaq k'a chwi jyub' Halac chi kel b'i pa Seir; xaq i kulew i ajawinelab' le xujach ma Josué chke i kak'al i je aj Israel pa taq kitzob'ajil,