JOSUÉ 11:22 - Wuj Pa K'ubultzij

²² Mijun chke i je aj Anab xk'asi kan chwach kulew i je aj Israel; xwi xekanaj kan i je umuq uxikin ma Anac chi lik naj kij chi je o pa Gaza, je o pa Gat, xaq i je o pa Asdod.

JOSUÉ 11:22 Referans Kwoze

1 Samuel 17:4

Are uri xaqte'et xwinaqir jun achi chkixol aj Filistea chi yij che i ch'oj; lik naj rij man xa jun ripaj ab'aj chik u'onom ti keb' xik'ab' unajtil rij, ire le ma Goliat ub'i, xaq aj pa tinimit Gat.

JOSUÉ 15:46

Kjeqan b'i pa Ecrón kupon k'a chuchi' i mar Mediterráneo ronojel ni'pa o chunaqaj Asdod rachi'ilam ukomon.

ISAÍAS 20:1

O julaj i ajawinel re i tinimit Asiria chi ma Sargón xutaq b'i jun nim laj ajpatan pa tinimit Asdod, i nim laj ajpatan le x-e chu'anik ch'oj chrij i tinimit le xaq xtiki chuch'akik.

SEGUNDO LIBRO DE CR%D3NICAS 26:6

Ma Uzías xujeq u'anik ch'oj chkij aj Filistea, xuwulijsaj i tapial nim uwach chi o chrij i tinimit Gat, Jabnia xaq Asdod xaq xuyak i jalajuj taq tinimit chkixol aj Filistea chila pa Asdod.

PRIMER LIBRO DE CR%D3NICAS 18:1

Chrijil chik ile, ma David xu'an ch'oj chkij aj Filistea xaq xeuch'ako, xu'an taqon chke xaq xumaj i tinimit Gat chke junam ru' i jalajuj taq ukomon.

PRIMER LIBRO DE CR%D3NICAS 8:13

Ma Bería xaq ma Sema, je aj-atzil ke i kalk'uwal chi je jeqel chila pa tinimit Ajalón, chi xekesaj b'i winaq chi ax je o wi chila che i tinimit Gat;

1 Reyes 2:39

Xwiri are xk'is oxib' junab', keb' rajchak ma Simei xe'anmaj b'ik, xe'e pa jeqelem chila ru' ma Aquis, chi uk'ojol ma Maaca, chi ajawinel chila Gat. Are xretamaj ma Simei chi keb' rajchak xe'anmaj b'ik, je o chik pa tinimit Gat.

1 Samuel 5:1

I aj Filistea are xetiki chumajik b'i kaxa re utrat i Ajwal, xkesaj b'i chila pa Eben-ezer, xkik'am b'i pa Asdod.

Jueces 3:3

Keje uri ile chi xekanaj kan jo'ob' ajawinelab' aj Filistea, konojel aj Canaán, aj Sidón xaq aj Jiw chi je jeqel te'eq chwi taq jyub' Líbano, chi kjeqan b'i uchi' che i jyub' Baal-hermón k'a che i okb'al chi Hamat ub'i.

Hechos 8:40

I ma Felipe xe'el k'a pa tinimit Azoto. Are uri xupaxsaj utzij i Dios pa taq tinimit ipa xik'aw wi, k'a xupon pa tinimit Cesarea.

Deuteronomio 9:2

Xaq i winaq chi je o chila che i tinimit le lik naj kij, pacha unajtil kij umuq uxikin ma Anac, yix iweta'am chik wach kkib'ij i winaq: “¿Pachin nawi kuch'ij utak'b'axik rib' chu'anik ch'oj ku' umuq uxikin ma Anac chi lik naj kij?”

JOSUÉ 15:14

I mam Caleb le xeroqtaj b'i oxib' ralk'uwal ma Anac chi je o chila, a Sesai, a Ahimán xaq i a Talmai.

Jueces 1:18

Xaq utzob'ajil ma Judá xetiki ti chuk'amik i tinimit Gaza junam ru' ronojel ukomon, tinimit Ascalón junam ru' ronojel ukomon xaq i tinimit Ecrón junam ru' ronojel ukomon.

Deuteronomio 2:23

Xaq keje xkik'ulmaj aj Jiw chi je jeqel te'eq pa taq komon naqaj che i Gaza, chi xchup kiwach kumal aj Filistea, i aj Filistea le je petnaq pa Creta xwiri xejeqi chila pa Gaza.

JOSUÉ 10:41

Ma Josué xeuch'ak konojel i ajawinelab' i xuk'am kan ronojel i kulew, xjeqan li pa Cades-barnea xupon k'a pa Gaza, xaq ronojel ulew Gosén xupon k'a pa Gabaón, man i Ajwal chi ki-Dios i je aj Israel, xeuto chu'anik ch'oj.

JOSUÉ 15:47

I nim laj tinimit Asdod rachi'ilam ral taq utinimit xaq ukomon chi o chrij chwach; Gaza rachi'ilam ral taq tinimit xaq ukomon chi o chrij chwach k'a uponnaq chi b'eya Egipto xaq k'a chi taq uchi' i mar Mediterráneo.