JOSUÉ 11:11 - Wuj Pa K'ubultzij

¹¹ I je aj Israel xekikamsaj ru' ch'ich' konojel ni'pa o kik'aslemal, mixatjun xkik'asb'a kanoq; xaq xkinak' a' che i tinimit Hazor.

JOSUÉ 11:11 Referans Kwoze

JOSUÉ 10:40

Keje uri kich'akik i jalajuj taq tinimit ile xu'an ma Josué, xeukamsaj i ajawinelab' aj chwi taq jyub' Neguev, aj chwa taq ta'aj xaq ni'pa i je o chkixukut. Xeukamsaj konojel i ajawinelab' re i jyub' le, mixat jun xuk'asb'a kanoq, lik xuchup kiwach konojel ni'pa o kik'aslemal, xu'an ma Josué ile man keje ile xtaq che rumal i Ajwal chi ki-Dios i je aj Israel.

Deuteronomio 20:16

Xwiri mijun winaq kik'asb'a kan chila pa taq tinimit chi kuya Iwajwal Dios chiwe chi lik iwe yix na;

Deuteronomio 7:2

I Ajwal are ujachom chik i wuqub' tinimit le pi'ab', xaq are ix tikinaq chik yix chuqajsaxik ki'ij ru' ch'oj, lik rajwaxik kisach kiwach konojel xaq mi'an jun trat ku' xaq mitene kiwil taq tob'al kiwach.

Deuteronomio 3:7

Xwi xqak'am i jalajuj taq chikop xaq i jalajuj taq b'iroxik, chi lik paqal rajil, ke ajch'oj chqij.

JOSUÉ 6:21

Te'uri ru' ch'ich' xekikamsaj achiyab', ixoqib', alab'om, rijab' xaq konojel i b'oyexab', chij, axna xaq konojel lik xekamik.

JOSUÉ 6:24

Te'uri i aj Israel xkinak' a' che i tinimit le, xaq xkinak' che ronojel ni'pa o chupam, xwi i an-o'oj, saq-o'oj, anch'ich', xaq i ch'ich' xkinak' ti a' che, ronojel ile xya' ru' ub'itaq re i Ajwal prachoch.