JOSUÉ 10:8 - Wuj Pa K'ubultzij

⁸ I Ajwal xub'ij che ma Josué: “Maxij awib' chke man Yin keinjach pa'ab'; mijun chke ike ktiki chach'akik.”

JOSUÉ 10:8 Referans Kwoze

Romanos 8:31

¿Wach chik mas kqab'ij ut? We i Dios kojrok'aj, ¿Mijun uri ktiki chqatzaqsaxik?

Deuteronomio 3:2

Are uri i Ajwal xub'ij chwe: “Maxij awib' che man Yin inya'om chik ire pa'ab', konojel achiyab' chi je yij che i ch'oj xaq ronojel rulew, man ka'an ni chke pacha xa'an che ma Sehón, chi ajawinel ke aj Hamor, chi je jeqel te'eq chila pa Hesbón.”

JOSUÉ 11:6

Xwiri i Ajwal xub'ij che ma Josué: “Maxij awib' chke man chweq keje taq or iri konojel ike le je kamnaq chik, keinjach pi'ab'; ka'osij ni kaqan i kikaway xaq kanak' ni a' che i kich'ich' re kib'inb'al chi xaq re i ch'oj.”

JOSUÉ 8:1

I Ajwal xukowij uk'ux ma Josué, xub'ij che: “Maxij awib' xaq mb'a'krij ak'ux. Cheak'ama b'i konojel achiyab' awu' chi je yij che i ch'oj, jix chik pa ch'oj chkij i winaq je aj Hai, man Yin kinjach ni kajawinel pi'ab', rachi'ilam i je uwinaq chi je yij che ch'oj, ronojel i tinimit Hai xaq ronojel i komon chi o chrij chwach.

Deuteronomio 7:24

I Ajwal kujach ni kajawinel pi'ab', yix kichup ni uwach kib'i ike le chuxe' ronojel i kaj, xaq mijun chke ike le kuch'ij taq u'anik ch'oj iwu', rumali chi yix konojel kisach ni kiwach.

JOSUÉ 10:9

Are uri ma Josué junam ku' uwinaq chi je yij che i ch'oj jun a'ab' xeb'inik, i aj Hamor lik keta'am taj xaqte'et xeupon pan ma Josué chu'anik ch'oj chkij.

JOSUÉ 10:25

Are uri ma Josué xuya ukowil kik'ux i kaj-atzil achiyab' chi je yij che i ch'oj xub'ij chke: “Mixij iwib' xaq mi'an keb' che ik'ux, xa chikowij ik'ux xaq chikowij iwach, man keje ile k-on i Ajwal chke konojel i je ajch'oj chiwij.”

Jueces 7:9

Che a'ab' le i Ajwal xub'ij che ma Gedeón: “Chatwalijoq man katqaj b'i chu'anik ch'oj ku' aj Madián, man keinjach pa'ab'.

Jueces 6:16

I Ajwal xula' uwach che: —Kattiki ni che man Yin kink'iji ni awu'. Keakamsaj ni konojel aj Madián pacha ukamsaxik xa jun winaq.

1 Samuel 17:47

Konojel ni'pa kimolom kib' warali, kketamaj na chi i Ajwal kojuto ti ru' jabalina, ru' ti che' ch'ich' utzam xaq ru' ti ch'ich' chi o uware k'ulala. I ch'oji re i Ajwal, are ire kixjachaw ni pqa'ab'.

1 Reyes 20:13

Are uri jun profeta xupon ru' ma Acab, chi ajawinel ke aj Israel, xub'ij che: —I Ajwal ub'im: “Tupu yet keawil k'iyal ajch'oj chawij, xwiri yin keinjach ni pa'ab' wo'or, man keje ile kawetamaj na chi yin in Ajwal.”