JOSUÉ 10:40 - Wuj Pa K'ubultzij

⁴⁰ Keje uri kich'akik i jalajuj taq tinimit ile xu'an ma Josué, xeukamsaj i ajawinelab' aj chwi taq jyub' Neguev, aj chwa taq ta'aj xaq ni'pa i je o chkixukut. Xeukamsaj konojel i ajawinelab' re i jyub' le, mixat jun xuk'asb'a kanoq, lik xuchup kiwach konojel ni'pa o kik'aslemal, xu'an ma Josué ile man keje ile xtaq che rumal i Ajwal chi ki-Dios i je aj Israel.

JOSUÉ 10:40 Referans Kwoze

Salmos 9:17

I itzel laj taq winaq xaq i aj-anol i utz taj, ni'pa ksach i Dios chkik'ux, kekik'isa ni chila ipa krajawin wi i kamik;

1 Reyes 15:29

I ma Baasa are xujeq ajawinik puwi i tinimit Israel, xeukamsaj b'i konojel i ralk'uwal ma Jeroboam. Chrij pacha xutzijoj i Ajwal rumal ma Ahías chi aj Silo, chi profeta. Konojel i ralk'uwal ma Jeroboam xekamik, mijun xk'asi kanoq.

JOSUÉ 10:37

I je aj Israel chi je yij che i ch'oj xe'ok pa tinimit Hebrón, xkikamsaj i ajawinel ru' ch'ich' xaq konojel i winaq xaq i chikop chi je jeqel chila xaq keje xki'an chke ni'pa i je o chkij chkiwach, mijun chke xk'asi kanoq. Pacha uchupik kiwach i je aj Eglón xaq keje uchupik kiwach i je aj Hebrón ile xki'ano.

JOSUÉ 10:35

Are i ij chi xeupon wi, are i ij uri chi xekich'ak i je aj Eglón, ru' ch'ich' xekikamsaj konojel ni'pa je jeqel chila, pacha kikamsaxik i je aj Laquis xki'ano.

JOSUÉ 9:24

Are uri i je aj Gabaón xkib'ij che ma Josué: —Yoj xqab'ij ile man xqaxij qib' chiwe xaq moqxa kojikamsaj, man xqetamaj chi Iwajwal Dios ub'im che etz mam Moisés chi rajchak, chi kuya kan ronojel ulewi chiwe xaq keikamsaj konojel i winaq chi je o chwach.

JOSUÉ 8:27

I je aj Israel xki'an ke che ni'pa ub'itaq ke i je aj Hai xaq konojel i kichikop, pacha xub'ij i Ajwal che ma Josué.

JOSUÉ 8:2

Ki'an ni chke i winaq re i tinimit le xaq che i kajawinel pacha xi'an chke i je aj Jericó xaq che i kajawinel; xwiri wo'or ni'pa i ub'itaq ke kkanaj ni pi'ab' yix xaq konojel ni'pa i kichikop. Chayijb'a jun ch'oj xani'al, jix chiwuwaj iwib' chrij i tinimit.”

JOSUÉ 6:17

I nim laj tinimit Jericó xaq ronojel ni'pa i o chupam ksach ni uwach rumal i k'oqb'al re i Dios, xwi ati Rahab chi kuch'ak umer chwach uch'akul kk'asi na xaq konojel ni'pa i je o chi rachoch, man ire xeruwaj i keb' achiyab' chi xeqataq li chrilik nim laj tinimiti.

Deuteronomio 7:24

I Ajwal kujach ni kajawinel pi'ab', yix kichup ni uwach kib'i ike le chuxe' ronojel i kaj, xaq mijun chke ike le kuch'ij taq u'anik ch'oj iwu', rumali chi yix konojel kisach ni kiwach.

JOSUÉ 18:21

I tinimit chi xya' chke i kalk'uwal utzob'ajil ma Benjamín, are iri: Jericó, Bet-hogla, uwa ta'aj re Casis,

JOSUÉ 12:8

I ulew chi xjach chke i je aj Israel le o tzam taq jyub' che i ta'aj re i Arabá, uwa jyub' re i tz'inilik jyub' chaqij xaq i Neguev ipa je o wi te'eq i je aj Ferez, je aj Jiw xaq i je aj Jebús.

Deuteronomio 1:7

Chimolo b'i ub'itaq iwe, chimaja b'i ib'e, jix chwi taq jyub' ke aj Hamor xaq jix che i ulew chi o chrij chwach pacha i Arabá, chwi taq jyub', xaq chwa taq ta'aj, pa Neguev, chi taq mar, chi kulew aj Canaán, aj Líbano, k'a chila che i nim laj raqana Éufrates.

ÉXODO 34:12

Chichajij iwib' lik mi'an jun trat ku' i winaq ipa kix-e wi, moqxa kkikoj jun tzaqsab'al iwe.

JOSUÉ 10:39

Xkikamsaj i ajawinel aj Debir ru' ch'ich', xaq keje xki'an chke uwinaq xaq ni'pa je o chkij chkiwach, lik mijun xk'asi kan chke. Pacha kikamsaxik i je aj Hebrón, je aj Libna xaq i kajawinel xaq keje kikamsaxik i je aj Debir ile xki'ano xaq i kajawinel.

JOSUÉ 11:16

Ma Josué xtiki kan chuk'amik ronojel i ulewi: Chwa taq jyub', ronojel i Neguev, ronojel i Gosén, ronojel i ta'aj, xaq ronojel i Arabá; ronojel ile lik ke i je aj Israel wo'or.

NÚMEROS 13:17

Ma Moisés are xeutaq b'i achiyab' chrilik ulew Canaán, xub'ij chke: —Nab'e kixik'aw pa Neguev, te'uri kixel b'i chwi jyub'.

Deuteronomio 2:34

Ronojel utinimit ire xetzaq pqa'ab', konojel is xqachup kiwach, xqakamsaj konojel achiyab' xaq konojel ixoqib' xaq i ak'alab'; mijun xk'asi kanoq.

NEHEMÍAS 9:24

Ike xe'ok b'i pa tinimit Canaán xaq xkik'am kanoq, chkiwach ike xaqajsaj ki'ij i winaq chi je o te'eq chila junam ru' kajawinel, xaq i winaq le xajach pki'ab' man k-an chke pacha kkaj ike.