JOSUÉ 10:39 - Wuj Pa K'ubultzij

³⁹ Xkikamsaj i ajawinel aj Debir ru' ch'ich', xaq keje xki'an chke uwinaq xaq ni'pa je o chkij chkiwach, lik mijun xk'asi kan chke. Pacha kikamsaxik i je aj Hebrón, je aj Libna xaq i kajawinel xaq keje kikamsaxik i je aj Debir ile xki'ano xaq i kajawinel.

JOSUÉ 10:39 Referans Kwoze

ABDÍAS 1:18

i je umuq uxikin i ma Jacob xaq i re ma José je keje na pacha jun a' xaq pacha urep a', xwiri i je re i ma Esaú je keje pacha i k'im chaqij; chi i a' le, kuk'is kiwach konojel. ¡Lik mijun chke i je re ma Esaú ktotajik! Yin in Ajwal xinb'ij.

2 Reyes 10:11

I ma Jehú xukamsaj konojel i jub'an chi k'a je k'as kanoq re i ralk'uwal ma Acab chila pa Jezreel, xaq konojel i achiyab' chi o ki'ij, i ramiy xaq i ajsujul sipon, lik mijun chik xuk'asb'a kanoq.

JOSUÉ 11:8

I Ajwal xeujach konojel i je ajch'oj le pki'ab' i je aj Israel, i je aj Israel le xeterej b'i chu'anik ch'oj chkij, xetiki chkikamsaxik k'a chwa ta'aj Mizpa chila che i nim laj tinimit Sidón xaq che i tinimit Misrefotmaim, chila prelb'al ij. Konojel xekikamsaj, mijun xkik'asb'a kanoq.

JOSUÉ 10:40

Keje uri kich'akik i jalajuj taq tinimit ile xu'an ma Josué, xeukamsaj i ajawinelab' aj chwi taq jyub' Neguev, aj chwa taq ta'aj xaq ni'pa i je o chkixukut. Xeukamsaj konojel i ajawinelab' re i jyub' le, mixat jun xuk'asb'a kanoq, lik xuchup kiwach konojel ni'pa o kik'aslemal, xu'an ma Josué ile man keje ile xtaq che rumal i Ajwal chi ki-Dios i je aj Israel.

JOSUÉ 10:37

I je aj Israel chi je yij che i ch'oj xe'ok pa tinimit Hebrón, xkikamsaj i ajawinel ru' ch'ich' xaq konojel i winaq xaq i chikop chi je jeqel chila xaq keje xki'an chke ni'pa i je o chkij chkiwach, mijun chke xk'asi kanoq. Pacha uchupik kiwach i je aj Eglón xaq keje uchupik kiwach i je aj Hebrón ile xki'ano.

JOSUÉ 10:33

I ma Horam chi ajawinel ke aj Gezer ire xpe chkito'ik je aj Laquis, xwiri ma Josué xeuch'ako, xuchup kiwach konojel ru' ch'ich', mijun xk'asi kan chke.

Deuteronomio 3:3

Are uri i Ajwal, chi qa-Dios, xujach ma Og pqa'ab' chi ajawinel re i tinimit Basán xaq konojel uwinaq chi je yij che i ch'oj; konojel ike le xeqakamsaj, mijun chke xk'asi kanoq.

JOSUÉ 10:38

Te'uri ma Josué xaq konojel i je aj Israel kelik chila Hebrón xe'e chik pa tinimit Debir chu'anik ch'oj chkij i je aj chila.

JOSUÉ 12:13

ajawinel re i tinimit Debir, ajawinel re i tinimit Geder;

1 Samuel 15:3

Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

1 Samuel 15:8

Xuchap ma Agag chi ajawinel ke aj Amalec, te'uri xeukamsaj ru' ch'ich' konojel uwinaq chi je yij che i ch'oj.