JOSUÉ 10:37 - Wuj Pa K'ubultzij

³⁷ I je aj Israel chi je yij che i ch'oj xe'ok pa tinimit Hebrón, xkikamsaj i ajawinel ru' ch'ich' xaq konojel i winaq xaq i chikop chi je jeqel chila xaq keje xki'an chke ni'pa i je o chkij chkiwach, mijun chke xk'asi kanoq. Pacha uchupik kiwach i je aj Eglón xaq keje uchupik kiwach i je aj Hebrón ile xki'ano.

JOSUÉ 10:37 Referans Kwoze

JOSUÉ 10:36

Te'uri ma Josué xaq konojel i je aj Israel kelik chila Eglón xe'e chik pa tinimit Hebrón chu'anik ch'oj chkij i je aj chila.

JOSUÉ 10:38

Te'uri ma Josué xaq konojel i je aj Israel kelik chila Hebrón xe'e chik pa tinimit Debir chu'anik ch'oj chkij i je aj chila.

ÉXODO 17:13

Keje uri ile chi ma Josué xeukamsaj ma Amalec xaq i je rajch'oj ru' ch'ich'.

JOSUÉ 10:28

Xaq che i ij le, ma Josué xukamsaj i ajawinel re i tinimit Maceda ru' ch'ich', xaq keje xu'an chke uwinaq, mijun xk'asi kanoq. I kamik chi xik'aw wi i ajawinel aj Maceda lik keje pacha i kamik chi xik'aw wi i ajawinel aj Jericó.

JOSUÉ 10:35

Are i ij chi xeupon wi, are i ij uri chi xekich'ak i je aj Eglón, ru' ch'ich' xekikamsaj konojel ni'pa je jeqel chila, pacha kikamsaxik i je aj Laquis xki'ano.

JOSUÉ 10:39

Xkikamsaj i ajawinel aj Debir ru' ch'ich', xaq keje xki'an chke uwinaq xaq ni'pa je o chkij chkiwach, lik mijun xk'asi kan chke. Pacha kikamsaxik i je aj Hebrón, je aj Libna xaq i kajawinel xaq keje kikamsaxik i je aj Debir ile xki'ano xaq i kajawinel.

JOSUÉ 10:40

Keje uri kich'akik i jalajuj taq tinimit ile xu'an ma Josué, xeukamsaj i ajawinelab' aj chwi taq jyub' Neguev, aj chwa taq ta'aj xaq ni'pa i je o chkixukut. Xeukamsaj konojel i ajawinelab' re i jyub' le, mixat jun xuk'asb'a kanoq, lik xuchup kiwach konojel ni'pa o kik'aslemal, xu'an ma Josué ile man keje ile xtaq che rumal i Ajwal chi ki-Dios i je aj Israel.

JOSUÉ 11:12

Keje umajik kan uri ronojel kitinimit ile xu'an ma Josué, xuchup kiwach i ajawinelab' ru' ch'ich', pacha utaqom kan u'anik i etz mam Moisés chi rajchak i Ajwal.