33 I ma Horam chi ajawinel ke aj Gezer ire xpe chkito'ik je aj Laquis, xwiri ma Josué xeuch'ako, xuchup kiwach konojel ru' ch'ich', mijun xk'asi kan chke.
I je utzob'ajil ma Efraín xaq xetiki ti chkelsaxik b'i aj Canaán chi je jeqel te'eq chila pa tinimit Gezer, rumali chi utzob'ajil ma Efraín le xaq aj Canaán je o junam wo'or.
Xwiri utzob'ajil ma Efraín, xekesaj tu b'i je aj Canaán chi je jeqel pa Gezer, xkiya chke chi xejeqi kan chkixol ike; xwiri xki'an chke chi kkitoj alkawal, lik k'a arewi wo'or je jeqel chila.
kqaj chub'i puqajb'al ij che i kulew i je aj Jafletita, k'a chuchi' i tinimit Bet-horón chi o Ikem, xaq i Gezer, k-e k'is k'a chuchi' i mar Mediterráneo.
Chrijil chik ile, chila pa tinimit Gezer x-ani chik jun ch'oj chkij aj Filistea. Che i ij le ma Sibecai aj Husa xuqajsaj u'ij xaq xukamsaj ma Sipai, chi jun chke kimuq kixikin i winaq chi lik naj kij.
I Ajwal xaq xujach i tinimit Laquis pki'ab' i je aj Israel, chukab' ij xetiki chuch'akik i tinimit le, lik xekikamsaj konojel i winaq xaq i chikop ru' ch'ich', chi je jeqel te'eq chila.
Te'uri ma Josué xaq konojel i je aj Israel kelik chila Laquis xe'e chik pa tinimit Eglón; xkisutij rij i tinimit le te'uri xe'ok chu'anik ch'oj chkij je aj chila.