JOSUÉ 10:24 - Wuj Pa K'ubultzij

²⁴ Are xkik'am li jo'ob' ajawinelab' le chwach ma Josué, are uri ma Josué xeusik'ij konojel kaj-atzil i achiyab' chi je yij che i ch'oj, xub'ij chke: “Chiya iwaqan rij kiqul i ajawinelab' le.” I kaj-atzil i achiyab' chi je yij che i ch'oj keje ile xki'ano.

JOSUÉ 10:24 Referans Kwoze

Romanos 16:20

I Dios, chi ku'an i chomb'al ib'. Ire kuqajsaj ni ucho'ab' i Itzel, lik kuya ni chuxe' i iwaqan yix, rumali yix xaq lik kiqajsaj ni u'ij. I Qajwal Jesucristo chuya ni utzil chomal chiwe.

MALAQUÍAS 4:3

Che i ij le chi kintijin chuyijb'axik, yix kiya'ya ni kiwi i utz ti laj taq winaq pacha taq uk'aj ulew.

Salmos 110:5

I Ajwal o pawiqab'im; ku'an ni tz'ajtz'ik chke i ajawinelab' pu'ijlal i roywal.

Salmos 110:1

Keje iri xub'ij i Ajwal Dios che i ajawinel: “Chatkul pinwiqab'im, k'a keinya ni ajch'oj chawij chuxe' awaqan.”

Salmos 107:40

Xwiri i Dios keuxutuj i jub'an chi kki'an k'ax chke i winaq le, xaq ku'an chke chi kesach pa taq tz'inilik jyub' chaqij chi nti b'e chupam.

Deuteronomio 33:29

Lik utz awe yet, Israel, ¿Pachin taq wa kupaj rib' awu'? Lik are i Ajwal xatuto. Ire katuchajij xaq katuto. ¡Ire keje pacha ach'ich' chi lik nim u'ij! I ajch'oj chawij kkijach ni kib' pa'ab', yet lik kaqajsaj ni ki'ij.

Salmos 91:13

Kach'ij ni b'inik chkixol i koj, xaq chkixol i itzel taq chikop, xaq chkixol i kumatz.

Salmos 18:40

xaq lik chinwach xe'anmaj b'i je ajch'oj. Keje intikilem ile chke ni'pa ktitat kipam chwe.

Jueces 8:20

Chrijil chik ile xub'ij che a Jeter chi are i rak'al atz: —¡Jat chkikamsaxik! Xwiri a Jeter lik k'a k'ojol ala, rumali xuxij rib' chrelsaxik li uch'ich'.

Hebreos 1:13

I Dios mitjulaj ub'im iri che jun ángel: “Chatkul pinwiqab'im, k'a keinya ni pawaqan i je ajch'oj chawij.”

2 Samuel 22:41

Lik xwilo are xe'anmaj b'i i ajch'oj chwij. Keje uchupik kiwach i winaq ile xin-ano chi ktitat kipam chwe.

ISAÍAS 51:23

Man yin kinya ni chke i xatkik'achirsaj, xaq chke i xkib'ij chawe: Chak'aqa awib' pulew, man kojik'aw pawi yet, are uri yet xak'aq awib' pulew re xatkiya'ya che aqan pacha taq uk'aj ulew.

2 Samuel 22:39

¡Lik xink'is kiwach! ¡Xin-an ch'aqa taq chke! Lik xewalij ti chik: ¡Lik xink'iji pkiwi!