JOSUÉ 10:20 - Wuj Pa K'ubultzij

²⁰ Te'uri ma Josué xaq i aj Israel lik je k'i aj Hamor xkikamsaj xa je keb' oxib' chik chke xkito kib' pa taq tinimit chi sutim rij ru' ko laj tapial.

JOSUÉ 10:20 Referans Kwoze

JOSUÉ 8:24

I je aj Israel are xkik'is kikamsaxik i je aj Hai chi je terejnaq te b'i chkij, te'uri konojel xe'e pa tinimit Hai, xaq xekikamsaj konojel ni'pa i je o kan chila.

JEREMÍAS 8:14

I winaq kkib'ij na: “¿Wach taq uchak kojkanaj kan waral? ¡Qonojel jo' pa nimaq taq tinimit chi sutim rij ru' tapial nim uwach, man su' chojkikamsaj! I Ajwal chi qa-Dios, ku'an chqe chi kojkamik, ku'an chqe chi kqatu' i ya chi o b'enen ru', rumal xojmakun chwach ire.

SEGUNDO LIBRO DE CR%D3NICAS 13:17

Are uri ma Abías ku' uwinaq xki'an jun nim laj kamsanik, man xekikamsaj lajujmo' kachiy oxt'ub' (500,000) achiyab' chi je yij che i ch'oj chi je ulum chkixol aj Israel chi kiya'om kiwach ru' ma Jeroboam.

2 Samuel 20:6

Are uri ma David xub'ij che ma Abisai: —I ma Seba le lik nim ni k'ax ku'an chqe chwach xu'an ma Absalón chqe. Rumali chawok'aj utzam chke inwinaq chi je yij che i ch'oj, su' chatterej b'i chrij, man qeta'am taj moqxa i ma Seba le kumin rib' chupam jun tinimit chi sutim rij ru' tapial nim uwach, lik kojtiki ti chik uri che.

JOSUÉ 10:10

I Ajwal xusach kinojb'al i aj Hamor xaq lik xkixij kib' chke i aj Israel, rumali je k'i chke xekam chila Gabaón. Ni'pa i xe'anmajik xeterb'ex b'i kumal i aj Israel, are xekimaja, xekikamsaj che i b'e re i Bet-horón, xkik'isa kikamsaxik k'a che i tinimit Azeca xaq che i tinimit Maceda.

Deuteronomio 20:16

Xwiri mijun winaq kik'asb'a kan chila pa taq tinimit chi kuya Iwajwal Dios chiwe chi lik iwe yix na;

JOSUÉ 10:19

Xwiri yix mijun chiwe kkanajik, iwonojel chixterej b'i chkij i je ajch'oj chiwij, chimaja b'i ch'oj chkij, miya chke chi keupon pa kitinimit, man i Ajwal chi i Dios yix je ujachom chik pi'ab'.”

JOSUÉ 10:21

Xwiri konojel i aj Israel xetzalij b'i pa kik'ijib'al Maceda xaq lik nti k'ax chke, chila ipa o wi ma Josué xaq mijun chke i winaq chi je o chkij chkiwach aj Israel k'ax taq xech'aw chkij.

JEREMÍAS 4:5

Chitzijoj iri pa Jerusalén xaq pa Judá, chixsik'in chub'ixkil ru' usonil i trompeta chupam ronojel i nim laj tinimit, lik ko chixsik'inoq: ¡Jo', chqamolo qib' pa taq nimaq taq tinimit chi o tapial nim uwach chrij!

JOSUÉ 11:8

I Ajwal xeujach konojel i je ajch'oj le pki'ab' i je aj Israel, i je aj Israel le xeterej b'i chu'anik ch'oj chkij, xetiki chkikamsaxik k'a chwa ta'aj Mizpa chila che i nim laj tinimit Sidón xaq che i tinimit Misrefotmaim, chila prelb'al ij. Konojel xekikamsaj, mijun xkik'asb'a kanoq.

JOSUÉ 11:12

Keje umajik kan uri ronojel kitinimit ile xu'an ma Josué, xuchup kiwach i ajawinelab' ru' ch'ich', pacha utaqom kan u'anik i etz mam Moisés chi rajchak i Ajwal.

1 Reyes 20:21

Are uri i ajawinel ke aj Israel xterejik i xeumaja pa taq b'e, are uri xumaj i kikaway chke xaq kich'ich' re anb'al ch'oj, xaq xeukamsaj k'i chke aj Siria.