JONÁS 3:6 - Wuj Pa K'ubultzij

⁶ Are xupon utzijol ru' i ajawinel re i Nínive, xaq ire xwalij che ukub'ib'al chi o u'ij, i xresaj u'u' chi re upatan, xukoj u'u' as i xkub'i pulew.

JONÁS 3:6 Referans Kwoze

Daniel 9:3

I xin-an inlapanik xaq ni'pa i kwaj utz'onoxik che i Ajwal Dios, xinmayij inwa'im, xinkoj in-u' chi lik as xaq xinkub'i pa chaj.

Job 2:8

Are uri ma Job, x-e kul pa chaj, xuk'am ch'aqap b'oj re rochb'al rij.

Lucas 10:13

Xub'ij i Jesús chke i winaq: ¡To' iwach yix, ix aj tinimit Corazín! ¡To' iwach yix, ix aj tinimit Betsaida! Man wetene in anom uk'iyal nim laj il chila pacha in anom iwu' yix, ike uri ya kijalwachim teneri chik i kik'aslemal. Xaq kikojom ti neri ki'u' as xaq chaj pkija' k'utb'al re i kimak.

Mateo 11:21

“¡To' iwach yix, ix aj tinimit Corazín! ¡To' iwach yix, ix aj tinimit Betsaida! Man wetene in-anom uk'iyal nim laj il chila pa Tiro xaq pa Sidón pacha in-anom iwu' yix, ike uri ya kijalwachim teneri chik i kik'aslemal. Xaq kikojom ti neri ki'u' as xaq chaj pkija' k'utb'al re i kimak.

JEREMÍAS 6:26

¡Umi'al intinimit, chakojo a'u' as k'utb'al re uk'axk'ol, chab'alkatij awib' pa taq chaj, chixb'isonoq xaq lik chixsik'in che o'ej, keje pacha are kkam jun iwak'al chi xa jun olik. Man i jun chi ksachaw qawach, lik ya kk'un chu'anik ch'oj chqij!

JEREMÍAS 13:18

Chab'ij che ajawinel xaq che i ati ixoq ajawinel: Chixqaj li pikub'ib'al chi o u'ij, chixkul pulew, man tzaqnaq li koron chi kuya te'eq ichomal.

Miqueas 1:10

Mib'ij iri chke i winaq chi je jeqel pa tinimit Gat; mixok che o'ej. Chib'alk'atij iwib' rumal i uk'axk'ol pa taq uk'aj ulew re Bet-le-afra.

Lamentaciones 3:29

Rajwaxik chi kuqajsaj u'ij kxuki'ik, kutz'ub'aj ulew, moqxa k'a o roy-exik;

Job 42:6

Rumali kinkoj ti chik pajil wach inb'im xaq lik kwo'ej chik wach i xinb'ij, inkul puk'aj ulew xaq pa chaj. Xcha ma Job.

ISAÍAS 15:3

O i winaq ke'e pa taq b'e ru' ki'u' chi lik as, xaq o i winaq kesik'in rumal uk'axk'ol i k'ax puwi i kachoch. Pa taq k'eb'al konojel i winaq lik kkitz'uyunej xaq lik kkiyitz' uwa'al kiwach.

JEREMÍAS 36:24

Mitene i ajawinel xaq i nimaq taq ajpatanib' chi xkita ronojel ni'pa kub'ij i b'orom tz'um le, xkixij ti kib' xaq xkik'ut taj we o taq jun k'ax pkik'ux.

Lamentaciones 2:10

I je rijab' re i chom laj tinimit Sion kech'aw taj, je kul pulew, kkikoj ulew pkija' xaq kkikoj ki'u' re b'is. Xaq i altom re i tinimit Jerusalén kkiqajsaj kijolom k'a pulew.

Ezequiel 26:16

Konojel ni'pa taq ajawinelab' ke i tinimit chi je o chuchi' i mar kkiya kan kikub'ib'al chi o u'ij xaq kkesaj ni kichaket xaq i ki'u' chi t'isom ru' chomiq taq t'is; lik ru' nim laj xib'rikil kekub'i ni pulew, lik kkimayij ti chik i siksatik xaq lik kkixij kib' are katkilo.

1 Reyes 21:27

I ma Acab are xuta ronojel ni'pa xb'ix che, xuraqch'ij u'u', xukoj u'u' as xaq xumayij uwa'im. Xaq ru' u'u' as le kwar wi xaq lik kb'isonik.

JEREMÍAS 36:13

Are uri ma Micaías xulap ronojel chke ni'pa xuta, are xrajlaj uwach i b'orom tz'um ma Baruc chkiwach konojel i winaq re i tinimit.