Joel 3:8 - Wuj Pa K'ubultzij

⁸ Keink'ayij ni ik'ojol xaq i imi'al chke aj Israel, man keje ile ike kkik'ayij chke aj Sabá, winaq je aj naj. Yin in Ajwal, inb'im.

Joel 3:8 Referans Kwoze

ISAÍAS 60:14

I je kak'al i winaq chi xki'an k'ax chawe, lik qajnaq ki'ij kek'un ni chawach, xaq konojel ni'pa xkik'aq b'i a'ij kexuki ni chawach xaq kkib'ij ni chawe: “Nim laj Tinimit re i Ajwal”. “Tinimit Sion re i Lo'laj Dios ke aj Israel”.

Job 1:15

xaqte'et xeupon aj Sabeo, xkel-aj b'i ronojel i chikop xaq xkikamsaj kan konojel achiyab' ru' kuchil. Xwi yin xinch'ij anmajik chub'ixkil chawe wach taq xqak'ulmaj.

Jueces 2:14

Rumali i Ajwal lik xpe roywal chke aj Israel xaq xeujach pki'ab' ili'omab', xkimaj b'i konojel ub'itaq ke chke, xaq xeuya kan pki'ab' i ajch'oj chkij, chi je o chkij chkiwach. Xech'ak kumal ajch'oj chkij chi je o chkij chkiwach, man i je aj Israel xetiki ti chu'anik ch'oj chkij ike.

Ezequiel 23:42

Xtataj i sik' ke uk'iyal taq winaq chi ketijin chu'anik nima'ij; je are i winaq chi je petnaq pa tz'inilik jyub' chaqij, chi kekiwiq ixoqib' ru' i wiqb'al re uqul ki'ab' xaq chomiq taq koron re jolomaj.

JEREMÍAS 6:20

¿Wach uchak kik'am li pom chwe chi aj pa Sabá, xaq kik'am taq li muy laj taq es chwe ke aj najil taq tinimit? Yin kumaj ti inwach i umuyal uk'ok'al chi kisujuj taq chwe xaq mitene i jub'an chik chikop chi kiporoj chinwach.”

Jueces 4:9

Ati Débora xub'ij che: —Kin-e awu' xwiri ronojel ni'pa i ch'akanik le koksax ti a'ij yet ru', man i Ajwal kujach ma Sísara pu'ab' jun ixoq. Are uri ati Débora x-e ru' ma Barac k'a pa Cedes.

Jueces 4:2

Rumali i Ajwal xeujach pu'ab' ma Jabín, chi ajawinel ke aj Canaán, chi ku'at tzij pa tinimit Hazor. I ma Jabín le o jun aj-atzil ukojom pkiwi achiyab' chi je yij che i ch'oj, chi ma Sísara ub'i, jeqel chila pa Haroset-goim.

Deuteronomio 32:30

¿Wach u'ankil ile chi xa jun chi winaq xe'anmaj b'i lajujwinaq kamo' (1,000) ajch'oj pu'ab'? ¿Wach u'ankil ile chi xa keb' chi winaq xe'anmaj b'i jo'mo' juchiy (10,000) ajch'oj pki'ab'? ¡Ile rumal i Ajwal, chi tol ke, xeujach ajch'oj le pki'ab', rumali chi xech'akanik!

Salmos 72:10

I ajawinelab' re i tinimit Tarsis xaq re ulew chi o ya chrij chwach, re i tinimit Sabá, xaq re i tinimit Seba, chkik'ama na li i sipon xaq i tojonik che ire.

JEREMÍAS 30:16

Xwiri i jun chi kixukamsaj xaq kkamsax ni uri, xaq konojel ni'pa i je ajch'oj chiwij ke'elsax nu b'i pa cho'ab' chwach kulew; xaq kel-ax ub'itaq ke i jub'an chi kkel-aj ub'itaq iwe yix chi xaq kekel-aj ni jub'an chi kixkel-aj ni yix.

Ezequiel 38:13

I winaq re i Sabá xaq i Dedán, xaq i ajk'ayinel re Tarsis xaq jub'an chik tinimit, kkitz'onoj ni chawe: ¿Xatk'un pa el-anik? ¿Xamol kichi' i awinaq chi je yij che i ch'oj re kawesaj b'i ub'itaq re xaq re ka'an awe che i saq-o'oj xaq i an-o'oj, chikop xaq jub'an chik ub'itaq re, re kak'am b'i jun nim laj b'eyomal?