Joel 2:29 - Wuj Pa K'ubultzij

²⁹ Xaq pkiwi i wajchak chi achiyab' xaq ixoqib' kinya nu b'i Intewal pkiwi che taq i ij le;

Joel 2:29 Referans Kwoze

1 Corintios 12:13

Qonojel yoj xoj-eloq oj uch'akul i Cristo, xa jun xe'eloq. Nti k-ono we oj aj Judío winaq, xaq we oj aj Grecia winaq; nti k-ono we xa oj winaq pa k'ax rumal i rajaw qachak, o we oj o'talik. Are xqajsax ya pqawi, xa oj jun ch'akulaj xojel loq rumal i Lo'laj Utewal i Dios; xaq xa jun Utewal yatal chqe chqajujunal.

Gálatas 3:28

Rumali chwach i Dios, nti chik jun mas naj u'ij chwach jun chik: Nti k-ono we aj Judío winaq, o we aj Grecia winaq, o we jun ajchak chi o pu'ab' jun rajaw; nti k-ono we achi o we ixoq; man qonojel yoj, we oj o chik che i Jesucristo, is oj xaqjun chik uri chqawach.

Colosenses 3:11

Ni'pa i o kinojb'al k'ak', nti k-ono we je aj Judío o we ne te aj Judío; nti k-ono we antal i circuncisión chke o we antal taj; nti k-ono we je aj naj, xaq we are winaq chi lik nti reta'am; nti k-ono we je winaq chi je o pa k'ax pki'ab' i kajaw, o we winaq chi je nti pa k'ax pki'ab' jun kajaw (Nti k-ono xab'i chi winaqil). Konojel je o che i Cristo, xaq i Cristo o chke ike.

Ezequiel 36:27

Kin-an na chi lik kok ni Intewal pik'ux, xaq kin-an na chi lik kixkojon ni che in-atb'al tzij xaq intaqanik;

Ezequiel 37:14

Yin kinya ni wuxlab' re k'aslemal chiwe yix, i yix kixk'asi tan chik; xaq kixinya chila piwulew. Are uri kiwetamaj ni yix chi Yin in Ajwal, inb'im xaq in anom. Yin in Ajwal, xinb'ij.

ZACARÍAS 12:10

Kinnojsaj ni ru' utz laj Tewal xaq ru' tz'onb'enik che i Dios pkiwi i je umuq uxikin i ma David xaq pkiwi uwinaq i tinimit Jerusalén. Are uri kkil ni jun chi xkimin i che' ch'ich' utzam puk'alk'ax, keb'ison na xaq ke'o' ni che ire pacha ukamik jun ak'al chi lik xwi ire o te'eq o we ntaj pacha ukamik jun ak'al atz.