Joel 1:14 - Wuj Pa K'ubultzij

¹⁴ Chimolo kichi' i winaq re i tinimit xaq chi'ana itz'onb'enik chwach i Ajwal ru' ro'taxik iwa'im; chimolo kichi' chila prachoch i Ajwal chi i-Dios, konojel i rijab' xaq konojel i winaq chi je jeqel pa tinimit, k'iyal mul chitz'onoj utzil che i Ajwal.

Joel 1:14 Referans Kwoze

JONÁS 3:8

Are chi'ana, chikojo i'u' as iwonojel k'utb'al re i b'is xaq chi'ana i tz'onb'enik che i Dios ru' ronojel icho'ab'. Chijujunal chiya kan i utz ti laj ik'aslemal xaq i ch'oj chi kixtijin chu'anik k'a arewi wo'or;

SEGUNDO LIBRO DE CR%D3NICAS 20:13

Konojel aj Judá je tak'al chwach i Ajwal junam ku' kixoqil kak'al xaq je o ni ak'alab' chi lik je ch'utiq.

LEVÍTICO 23:36

Che ronojel i wuqub' ij le kiporoj ni sipon kojb'al u'ij i Ajwal, xaq che uwajxaq ij ki'an jun lo'laj moloj ib' chi xaq kiporoj ni jun sipon chwach i Ajwal. Man ile lik are jun nim laj ij, rumali mi'an taq jun chak.

NEHEMÍAS 8:18

Wuqub' ij xkich'ij chu'anik i nima'ij chi o u'ij; che i nab'e ij xaq k'a che i k'isb'al ij, i ma Esdras ij ij krajlaj jutaq b'i' che i wuj re i u'atb'al tzij i Dios; che uwajxaq ij xki'an jun molom ib' chi lik o u'ij chkiwach ike, kojb'al u'ij i Dios, chrij pacha i anik re i tinimit.

2 Reyes 10:20

Are uri xutaq ub'ixkil chi ktzijox u'anik jun nim laj nima'ij kojb'al u'ij i tiox Baal. Lik keje ile xki'an che.

Ester 4:16

“Jat xaq chamolo kichi' konojel aj Israel chi je o Susa, mkitij kiwa xaq mkitu' kiya' che oxib' ij xaq che oxib' a'ab' chutz'onoxik che i Dios pinwi yin. Yin xaq i wajke'elab' xaq keje ni ile kqa'ano, chrijil chik ile, kin-e ni chrilik i ajawinel, tupu are ti kub'ij i atb'al tzij ile. We kinkamsaxik, chinkamsax ni uri.”

JEREMÍAS 36:9

Che ub'elej ik' re ujo' junab' re rajawinik ma Joacim, chi uk'ojol ma Josías, ajawinel re i tinimit Judá, x-an jun ch'ob'onik chi i winaq aj Jerusalén, xaq i jub'an chik chi xa je k'unnaq, kkimayij ni kiwa'im man kelapan ru' i Ajwal.

Joel 1:2

Lik chita ub'e iri, rijab', xaq iwonojel yix, chi ix jeqel pa tinimit. ¿Iwilom ti yix jun b'iroxik chi lik nti usuk'? ¿X-aljin ti nawi taq i b'iroxik le che taq i ij ke iqajaw ichuch?

JONÁS 3:5

I winaq pa tinimit, nimaq i ch'utiq, xkikoj i Dios, i xkib'ij chi kkimayij kiwa'im chutz'onoxik che i Dios xaq xkikoj ki'u' as k'utb'al re kib'is.

SOFONÍAS 2:1

Chimolo iwib', chimolo ichi' yix, winaq chi nti ik'ix,

JEREMÍAS 14:2

Ix aj Judá chixo' rumal ib'is, man i tinimit lik o puyej, i winaq lik je jab'ernaq chik pa taq ulew. Ix aj Jerusalén chixsik'in ni rumal uk'axk'ol.