JEREMÍAS 9:26 - Wuj Pa K'ubultzij

²⁶ Chi je are aj Egipto, aj Judá, aj Edom, aj Amón xaq i aj Moab, xaq chke konojel ni'pa je jeqel pa tz'inilik jyub' chaqij, xaq kkisol b'i kiwi chwach kixikin. Man konojel ni'pa i tinimit le xaq ronojel ne i tinimit Israel, lik je ajkojol ki'ij i tiox chi xaril je antalik.

JEREMÍAS 9:26 Referans Kwoze

JEREMÍAS 4:4

Winaq aj Judá xaq ix aj Jerusalén chi'ana i circuncisión, xaq chiwetamaj chi yin in Iwajwal, chi'ana ch'am che ik'ux, moqxa rumal i utz taj chi ki'ano kmi' woywal pacha i a' chi lik kjuluwik, mijun ktiki chuchupik.

LEVÍTICO 26:41

Yin lik kinch'ojin ni chiwij yix, kixink'am nu b'i pkitinimit i winaq chi je ajch'oj chiwij, are ix o chik chila i ch'am ti laj inojb'al le lik kqajsax ni u'ij xaq kitoj ni ronojel imak,

Ezequiel 44:7

Yix kiqajsaj u'ij wachoch chi kiya okik chke i winaq aj naj, winaq chi nti retalil intrat ku' pkijolom xaq pkich'akul; kkiqajsaj in-ij man kkisujuj taq ti'b'alil re xepu xaq re kik' chwe chi re ksujux re sipon xaq keje ile kkiqel intrat ru' ni'pa taq anik chi ch'am taj kki'an pkik'aslemal.

Hechos 7:51

Ma Esteban xub'ij chik: Xwiri yix lik ix b'uy laj taq winaq, man ixikin xaq iwanima lik keje pacha ke i winaq chi nti i Dios ku', man lik kiwaj ti utayik utzij Lo'laj Utewal i Dios. Lik xaqjun iwach ku' iwatit imam, man keje ile xki'an ike ujer.

JEREMÍAS 49:32

¡Chiwel-aj i kikamey xaq konojel i kichikop! Keinkichersaj nu b'i che i jalajuj taq k'ijib'al konojel i winaq le chi kkisol b'i kismachi' xaq rij taq kixikin; xaipa kink'am na li k'ax pkiwi. Yin in Ajwal, xinb'iw ile.

Ezequiel 44:9

Rumali Yin in Ajwal, kinb'ij: Kok ti pwachoch jun winaq we nti retalil intrat, pujolom xaq puch'akul; mitene jun aj naj chi jeqel chkixol i aj Israel.

Deuteronomio 30:6

I Ajwal kukoj ni ilb'al re i trat pik'ux yix xaq pkik'ux imuq ixikin, man keje ile k'ax ni kina ru' ronojel ik'ux xaq keje ile o ni ik'aslemal.

1 Samuel 14:6

Are uri ma Jonatán xub'ij che i tol re: —Jo ch'aqap, chila ipa o wi kik'ijib'al i winaq chi kkikoj ki'ij i jalajuj taq tiox. Moqxa i Ajwal Dios kojuto man nti jun b'iroxik chi ktiki ti ire che, ire kojuto che i ch'akanik ru' uk'iyal winaq xaq we xa keb' oxib' winaq.

1 Samuel 17:26

Are uri a David xutz'onoj chke ni'pa je o putzal: —¿Wach taq kya' che i achi chi kukamsaj i achi le chi keuto'ta i aj Israel chu'anik ch'oj? ¿Pachin taq aj Filistea le chi ajkojol ki'ij i jalajuj taq tiox chi keuto'ta i achiyab' chi je yij che i ch'oj re i Dios chi lik k'aslik?

JEREMÍAS 6:10

Yin xinla' uwach che: ¿Pachin kintawik we kinch'aw chke, we kinya utzijol ile chke? Lik tz'apil kixikin, Ajwal, rumali ketan taj, kkiyo'ya i atzij, lik kumaj ti kiwach.

JEREMÍAS 10:1

Ix aj Israel, chita i tzijoniki chi kub'ij i Ajwal chiwe.

JEREMÍAS 40:11

Konojel aj Israel chi je o chila Moab, Amón, Edom xaq jub'an chik nimaq taq tinimit xketamaj chi ajawinel re Babilonia xuya chke jujun aj Israel chi kekanaj kan prulew, xaq are ire xuya kan ma Gedalías pacha aj-ok'al utzam ke ike.

Ezequiel 31:18

Mijun chke i che' re Edén ktiki taq chujunamsaxik rib' ru' ire che uchomalil xaq i unajtil rij; xwiri kqaj ni ku' jub'an chik che' pa Edén che i jyub' ta'aj le chuxe' ulew, re kjeqi chila chkixol i jub'an chi kkikoj ti u'ij i Dios xaq chkixol i winaq chi xekam pa ch'oj. I che' le, are i ma faraón junam ku' uwinaq. Yin in Ajwal, xinb'ij.

Ezequiel 32:19

¿Xatab'a lik mas at chom yet chkiwach i jub'an chik? Chatqaj loq xaq chajab'ij b'i awib' junam ku' i jub'an chi kkikoj ti u'ij i Dios.