JEREMÍAS 9:25 - Wuj Pa K'ubultzij

²⁵ I Ajwal kub'ij: Kuriqa ni ij chi kinya utojb'alil chke konojel i tinimit, chi kki'an i circuncisión che kib':

JEREMÍAS 9:25 Referans Kwoze

AMÓS 3:2

“Xwi yix ix incha'om chkixol konojel taq i tinimit chwach i jyub' ta'aj. Rumali lik kintz'onoj ni ronojel i mak atzalal chi i'anom.”

Ezequiel 28:10

Katkam ni pki'ab' i winaq aj naj keje pacha kikamik i winaq chi nti Dios ku'. Yin in Ajwal, xinb'ij; Yin lik inya'om intzij.

Romanos 2:28

Man we at Judío, ile xwi ti rumal ka'an taq i anik chi kki'an ike xaq rumal ti taq i circuncisión che ach'akul, ile ke'eloq chi xwi ti rumal i ka'an ru' i ach'akul, kat-on taq Judío.

Romanos 2:29

I mer saqil aj Judío winaq are kekojon che u'atb'al tzij i Dios, i je are ti kekojon che ki'atb'al tzij i winaq re uwach i jyub' ta'aj. Lik je are aj Judío winaq ile chi k'ax keuna i Dios, tupu i winaq re uwach i jyub' ta'aj tzel kekilo.

LEVÍTICO 26:41

Yin lik kinch'ojin ni chiwij yix, kixink'am nu b'i pkitinimit i winaq chi je ajch'oj chiwij, are ix o chik chila i ch'am ti laj inojb'al le lik kqajsax ni u'ij xaq kitoj ni ronojel imak,

1 Samuel 14:6

Are uri ma Jonatán xub'ij che i tol re: —Jo ch'aqap, chila ipa o wi kik'ijib'al i winaq chi kkikoj ki'ij i jalajuj taq tiox. Moqxa i Ajwal Dios kojuto man nti jun b'iroxik chi ktiki ti ire che, ire kojuto che i ch'akanik ru' uk'iyal winaq xaq we xa keb' oxib' winaq.

1 Samuel 17:26

Are uri a David xutz'onoj chke ni'pa je o putzal: —¿Wach taq kya' che i achi chi kukamsaj i achi le chi keuto'ta i aj Israel chu'anik ch'oj? ¿Pachin taq aj Filistea le chi ajkojol ki'ij i jalajuj taq tiox chi keuto'ta i achiyab' chi je yij che i ch'oj re i Dios chi lik k'aslik?

JEREMÍAS 4:4

Winaq aj Judá xaq ix aj Jerusalén chi'ana i circuncisión, xaq chiwetamaj chi yin in Iwajwal, chi'ana ch'am che ik'ux, moqxa rumal i utz taj chi ki'ano kmi' woywal pacha i a' chi lik kjuluwik, mijun ktiki chuchupik.

Ezequiel 31:18

Mijun chke i che' re Edén ktiki taq chujunamsaxik rib' ru' ire che uchomalil xaq i unajtil rij; xwiri kqaj ni ku' jub'an chik che' pa Edén che i jyub' ta'aj le chuxe' ulew, re kjeqi chila chkixol i jub'an chi kkikoj ti u'ij i Dios xaq chkixol i winaq chi xekam pa ch'oj. I che' le, are i ma faraón junam ku' uwinaq. Yin in Ajwal, xinb'ij.

LEVÍTICO 19:27

Are kiwesaj iwi, mi'an setsik che xaq mik'atzij utzam iwismachi'.

JEREMÍAS 25:23

chke utzob'ajil ma Dedán, ma Tema xaq i ma Buz, xaq chke i tinimit chi kkisol b'i kiwi rij taq kixikin;

JEREMÍAS 49:32

¡Chiwel-aj i kikamey xaq konojel i kichikop! Keinkichersaj nu b'i che i jalajuj taq k'ijib'al konojel i winaq le chi kkisol b'i kismachi' xaq rij taq kixikin; xaipa kink'am na li k'ax pkiwi. Yin in Ajwal, xinb'iw ile.

Ezequiel 44:7

Yix kiqajsaj u'ij wachoch chi kiya okik chke i winaq aj naj, winaq chi nti retalil intrat ku' pkijolom xaq pkich'akul; kkiqajsaj in-ij man kkisujuj taq ti'b'alil re xepu xaq re kik' chwe chi re ksujux re sipon xaq keje ile kkiqel intrat ru' ni'pa taq anik chi ch'am taj kki'an pkik'aslemal.