JEREMÍAS 9:21 - Wuj Pa K'ubultzij

²¹ “I kamik xok pqamuj pqasok, xok k'a pa nim laj rachoch i ajawinel, keukamsaj ak'alab' pa taq b'e xaq keukamsaj i k'ojolab' pa taq k'eb'al.

JEREMÍAS 9:21 Referans Kwoze

JEREMÍAS 6:11

I awoywal yet, Ajwal, u'anom chwe chi lik mi'naq woywal xaq kintiki ti chik chu'atixik.” I Ajwal xub'ij chwe: Chawesaj awoywal chke i alab'om aj pa taq b'e, chke i alab'om chi to' kkok'aj kib' pa taq tzob'ajil; xaq kekichap i winaq chi je k'ulanik, junam ku' i kixoqil xaq i rijab' chi k'iyal junab' chik o chke.

JEREMÍAS 15:7

Kinkichersaj b'i awinaq pacha taq chaqij k'im, xewesaj pa taq tinimit re awulew, xeinya kan intinimit chi lik nti chik kak'al, xinsach kiwach man xkaj ti xko'taj kan kik'aslemal chi utz taj.

SEGUNDO LIBRO DE CR%D3NICAS 36:17

Are uri i Ajwal xu'ano chi i ajawinel aj Caldea xu'an ch'oj chkij aj Israel, xeukamsaj konojel alab'om ru' kuchil chila prachoch i Dios, lik xril ti tob'al kiwach i alab'om, altom, rijab' xaq mitene i je klis. I Ajwal xeujach konojel pu'ab' i ajawinel.

ISAÍAS 40:30

Xaq keje i k'a je ak'alab' winaq kekosik xaq kk'is ucho'ab' kich'akul, xaq keje ike chi lik o kicho'ab' ketzaqik.

JEREMÍAS 6:21

Rumali i Ajwal kub'ij: “Kin-an ni che i tinimit le kutakij nu b'i rib' xaq ktzaq na, qajawxelab' xaq alk'uwalxelab', winaq chi ix o naqaj xaq i amiy, xaqjun kamik kki'ano.”

JEREMÍAS 18:21

¡Xwiri wo'or cha'ana che i kak'al kekam ni rumal i numik we ntaj ru' ch'ich' chi k'ulala o uware, chemalkanij ni kan kixoqil, xaq kekanaj ni kan keje ile, nti chik kak'al! ¡Xaq i itzel laj yob'il cheukamsaj ni achiyab' xaq i alab'om chetzaq ni pa taq es re i ch'oj!

JEREMÍAS 44:7

Keje ile, Yin in Ajwal, chi ronojel kintiki che, chi ki-Dios aj Israel, kinb'ij: ¿B'uchak kik'am li piwi yix i utz taj chi lik nim? ¿B'uchak ki'ano chi kekam konojel i winaq re Judá, achiyab', ixoqib', ak'alab', xaq i k'ate je alaxnaq, man keje ile lik nti kekanaj kanoq?

JEREMÍAS 50:30

Rumali iwak'al chi je k'ojolab' kekam ni xol taq b'e xaq konojel i achiyab' chi je yij che i ch'oj kekam ni che i ij le. Yin in Ajwal, xinb'iw ile.

Joel 2:9

Ke'ik'aw chuxol i tinimit, kki'an i anem chwi taq tapial, ke'ok pa taq ja, je keje pacha taq ili'omab' ke'ok b'i pa taq wantana.

AMÓS 6:9

Are uri, we kekanaj lajuj achiyab' che jun ja, che lajuj kekam na.

JEREMÍAS 7:33

I kich'akul i kamnaq le kajwax ni re kkitij i tz'ikin chi je ajtijol ti'ij, xaq chke itzel taq chikop xaq lik nti ke'oqtaw b'ik.

JEREMÍAS 8:2

Xaq kekisa ni kan chwa ij, chwa ik', xaq chwa ronojel i ch'umil chi lik k'ax xkina'o, xki'an kipatan chkij, xeterej chkij, xkik'am taq kino'oj chke xaq xkikoj ki'ij. Mijun keyakawik re kkimuqu. Kekanaj ni chwach taq ulew pacha taq achaq.

AMÓS 5:2

I chom xaq i ch'am laj tinimit Israel xtzaqik; xtzaqik i lik kwalij ti chik. Xjab'i kan chwach i rulew, i lik nti jun pachin kyakawik.

SOFONÍAS 1:17

I Ajwal kub'ij: “Keink'achirsaj ni winaq. Keb'in na pacha taq je potz', man xemakun chinwach Yin. I kkik'el klemem na pacha i uk'aj ulew, xaq i kiti'lal t'ub'ul ni chila pacha taq kis.”