JEREMÍAS 9:20 - Wuj Pa K'ubultzij

²⁰ Ixoqib', chita utzij i Ajwal, chikojo retalil che utzij. Chik'utu o'ej chke iwalit xaq chik'utu i o'ej chke i kamiy keje iri:

JEREMÍAS 9:20 Referans Kwoze

Job 22:22

Chaya che ire chi katutijojsaj, xaq ronojel ni'pa i kub'ij chawe msach chak'ux.

ISAÍAS 3:16

I Ajwal keje iri kub'ij: I ixoqib' aj Sion, chi lik nim kki'an che kib', chi kiyakom kipalaj chikaj, kkirutz'ij kib'a'wach, kok'il keb'inik xaq kki'an che i retz'b'alil kaqan chi ketzinlajik,

ISAÍAS 3:4

xaq kukoj jujun alab'om piwaj-atzil, are jujun ak'alab' kerajawin ni piwi.

JEREMÍAS 9:12

¿Pachin nawi jun chi lik o uno'oj chi kuta ub'e wach ktijin uk'ulmaxik? ¿Pachin che yatal wi retamaxik i b'iroxiki che rumal i Ajwal, man are ire kub'ij usuk' chke i jub'an chik? ¿B'uchak xtzaq i nim laj tinimit puyej, lik chaqij pacha jun tz'inilik jyub' chaqij chi mijun kik'aw chwach?

JEREMÍAS 23:16

I Ajwal chi ronojel ktiki che, kub'ij: “Ix aj Israel, mikoj retalil che wach kkib'ij i profeta Ni'pa i kkib'ij le lik qatzij taj, b'iroxik chi xa je are ike kinojim, chi nti inb'im yin chke.

JEREMÍAS 23:28

¡We o jun profeta xu'an jun achik', lik chub'ij uri chi xa jun achik' xu'ano, xwiri we are intzij xb'iw che, lik utz uri utzijoxik chu'ana che! Xatab'a xaqjun uxaq k'im ru' i ch'irajil. Intzij keje pacha i a', xaq pacha jun ch'ayb'al chi ku'an ch'aqa taq che i nim laj ab'aj. Yin in Ajwal, xinb'iw ile.

JEREMÍAS 6:11

I awoywal yet, Ajwal, u'anom chwe chi lik mi'naq woywal xaq kintiki ti chik chu'atixik.” I Ajwal xub'ij chwe: Chawesaj awoywal chke i alab'om aj pa taq b'e, chke i alab'om chi to' kkok'aj kib' pa taq tzob'ajil; xaq kekichap i winaq chi je k'ulanik, junam ku' i kixoqil xaq i rijab' chi k'iyal junab' chik o chke.

JEREMÍAS 7:29

¡Ix, aj Jerusalén, chik'upij iwi xaq chik'aqa b'ik! ¡Chib'ixaj jun b'ix re b'is chwi pelpaq taq loma! Man i Ajwal mi'naq roywal ku' awinaq, je ro'tam kanoq xaq je uxutum kanoq.

JEREMÍAS 8:2

Xaq kekisa ni kan chwa ij, chwa ik', xaq chwa ronojel i ch'umil chi lik k'ax xkina'o, xki'an kipatan chkij, xeterej chkij, xkik'am taq kino'oj chke xaq xkikoj ki'ij. Mijun keyakawik re kkimuqu. Kekanaj ni chwach taq ulew pacha taq achaq.

JEREMÍAS 14:16

I tinimit ipa kkib'ij wi ile kkam ni rumal i nimaq taq ch'oj xaq rumal i wa'jal, junam ku' kixoqil, kik'ojol xaq i kimi'al. I kich'akul i kamnaq kejab'ix ni pa taq b'e re i tinimit Jerusalén, xaq nti jun kemuquwik. Keje ni utojik kimak ile kin-an chke.

Lamentaciones 2:19

Chatwalijoq, chatsik'in cha'ab', lik arewi jo'taj taq uxol chatsik'inoq; lik chawesaj li ronojel ni'pa i o pak'ux chwach i Ajwal, chaya che chi klememik pacha i ya; chatunb'a a'ab' chwach ire, chatz'onoj utzil chomal che xaq chatz'onoj utzil chomal puwi kik'aslemal awak'al, man lik puxukut taq b'e kekam wi rumal nti kkitijo.

Lamentaciones 2:21

Rijab' xaq i alab'om je jab'ernaq b'i xol taq b'e; alab'om xaq i altom lik xetzaq ni rumal i ch'ich' chi k'ulala o uware. Che i ij are xpe nim laj awoywal, xeasoko xaq xeakamsaj, ¡Xeakamsaj, lik xawil ti tob'al kiwach!