JEREMÍAS 9:19 - Wuj Pa K'ubultzij

¹⁹ Ronojel ni'pa i jilawik chi o chila pa tinimit Sion lik ktataj k'a waral: ¡Ay, b'uchak xojtzaq puyej! ¡Lik qatijom i k'ax rumal uqajsaxik qa'ij! Wo'or rajwaxik kqo'taj kan qatinimit, man ni'pa i qamuj qasok tzaqnaq chik puyej.

JEREMÍAS 9:19 Referans Kwoze

JEREMÍAS 4:13

Chiwila pe', i ajch'oj chiwij ktijin kitejeb'ik pacha jun sutz', i kich'ich' re anb'al ch'oj lik keje pacha jun nim laj jab' tew upam, xaq i kikaway mas kkich'ij b'e chkiwach i kotxik. ¡To' qawach yoj, man wo'or kqariq i tojb'al re!

Deuteronomio 28:29

Lik to' katmalal na, katb'inik pacha jun mawach, lik kel ti utz ronojel ni'pa i ka'ano; lik to' arewi kqajsax a'ij xaq katel-axik xwiri mijun katuto na.

Miqueas 2:10

¡Chixwalijoq! ¡Mimayij i b'e! Man iri are ti jun k'ijib'al re i uxlanb'al, man lik nim i utz taj o che, rumali lik ksachsax ni uwach ronojel.

Miqueas 2:4

Che taq i ij le kixb'ixax ni ru' i b'ix re o'ej. Kb'ix ni chiwe: Lik xsachsax qawach qonojel; i qatinimit, are i Ajwal rajaw, lik jalwachim i rajaw xaq lik mijun k-atiwik; ni'pa taq qulew lik jachtal chkiwach i je ajch'akanel chqij.”

Lamentaciones 5:2

Ronojel wach o te'eq qu' wo'or is o pki'ab' aj naj; wo'or i qachoch o pki'ab' i winaq chi qeta'am ti kiwach.

Lamentaciones 4:15

“¡Chixel loq, chijek'a iwib' —xesik'in i jub'an chub'ixkil—; man lik nixti ch'am laj taq winaq, mojichapo!” “Yix ix are i winaq chi to' ix enaq b'ik —keje ile xkib'ij i winaq chi kkikoj ti u'ij i Dios—, jix, lik mixjeqi chi.”

JEREMÍAS 4:20

Lik uterb'em rij utzijol i xaqmanal taq anik, xaq ronojel i nim laj tinimit lik xaqmanal ktijin chuk'ulmaxik. Xaqte'et xkiwulijsaj ink'ijib'al, lik mutmut x-on kan i wu'waq taq ja re wachoch.

JEREMÍAS 2:14

I Israel je are i winaq chi je nti pa k'ax rumal i rajaw kichak, ike xealax ti pa k'ax rumal i rajaw kichak. ¿B'uchak uri chi kjok b'i ub'itaq ke?

LEVÍTICO 20:22

Chi'ana pacha kub'ij ronojel in-atb'al tzij xaq intaqanik, man keje ile kixroqtaj tu b'i ulew ipa kixink'am wi b'ik chi kixjeqi chwach.

LEVÍTICO 18:28

Yix we ki'an i utz taj le pacha xki'an i winaq chi xejeqi chwach ulew nab'e chiwach yix, xaq kixoqtax b'i uri yix.

LEVÍTICO 18:25

Xaq i ulew ipa je jeqel wi lik xitztaj kumal i winaq le, rumali Yin xink'oqoj i ulew, i ulew le xeroqtaj b'i winaq chi je o chwach.

JEREMÍAS 7:15

Kixwesaj nu b'i yix chinwach pacha kelsaxik xin-an b'i chke iwatz icha' ujer, chi je umuq uxikin ma Efraín.

JEREMÍAS 7:19

Xwi ti kkiqajsaj in-ij Yin, xaq lik kkiqajsaj ki'ij ike re yab'al kik'ix. Yin in Ajwal, xinb'iw ile.

JEREMÍAS 7:29

¡Ix, aj Jerusalén, chik'upij iwi xaq chik'aqa b'ik! ¡Chib'ixaj jun b'ix re b'is chwi pelpaq taq loma! Man i Ajwal mi'naq roywal ku' awinaq, je ro'tam kanoq xaq je uxutum kanoq.

JEREMÍAS 15:1

I Ajwal xub'ij chwe: Tupu ma Moisés xaq ma Samuel kek'un chinwach, yin lik kwil ti tob'al uwach i tinimit le. Chab'ij chke chi che'el chinwach, i che oj.

ISAÍAS 32:9

Yix, ixoqib' chi lik nti iwe che wach i kk'ulmaxik, chita wach kinb'ij chiwe. Yix ixoqib' chi kixij ti iwib', chitatb'ej intzij.

Ezequiel 27:2

Yet, winaq, chab'ixaj i b'ixi re muqunik