JEREMÍAS 9:16 - Wuj Pa K'ubultzij

¹⁶ Keinkichersaj nu b'i chkixol i nimaq taq tinimit, chi keta'am ti kiwach, chi xaq i kiqajaw kichuch xketamaj ti kiwach.”

JEREMÍAS 9:16 Referans Kwoze

Ezequiel 5:12

Jun urox uk'iyal chke i awinaq kekam ni rumal itzel laj taq yob'il xaq che i numik chaxol yet, jun chik urox uk'iyal kekamsax ni kumal i ajch'oj chkij chi je o chkij chkiwach, i urox uk'iyal chi xekanaj kanoq keinkichersaj nu b'i chwach ronojel i jyub' ta'aj. Yin kewoqtaj ike ru' jun ch'ich' pin-ab' chi k'ulala o uware.

Ezequiel 5:2

Are kutzin i ch'oj che i tinimit, chak'atsaj jun chke i mutzaj re awi punik'ajal i nim laj tinimit; te'uri chak'ama jun kuchil, xaq chak'atzij i ukab' mutzaj re awi chrij chwach i nim laj tinimit, i k'isb'al mutzaj re awi kakichersaj b'i pa tew. Yin kin-e ni chkij i winaq re i nim laj tinimit, ru' jun ch'ich' pin-ab' chi k'ulala o uware.

Deuteronomio 28:64

I Ajwal ku'an ni chawe chi katkicher nu b'i pa jalajuj taq tinimit, chila kakoj wi ki'ij jub'an chik dios chi je antal ru' che' xaq ru' ab'aj, chi yet xaq awatit amam xiwetamaj ti kiwach.

LEVÍTICO 26:33

Kixinkichersaj nu b'i chkixol i jalajuj taq tinimit, xaq ru' ch'ich' kixwoqtaj na, ronojel ulew re i tinimit kkanaj na pacha jun tz'inilik jyub' chaqij xaq ni'pa taq itinimit ksach ni uri uwach.

JEREMÍAS 44:27

Man Yin lik kixintaqej re kintaq b'i k'ax laj taq yob'il piwi, keje uri ile lik kitij ti utz. Konojel aj Judá chi je jeqel pa Egipto lik ksach ni kiwach ru' nimaq taq ch'oj xaq ru' wa'jal.

JEREMÍAS 13:24

Rumali kinjachersaj b'i iwach yix pacha i k'im chi kyak b'i rumal i tew pa tz'inilik jyub' chaqij.

Santiágo 1:1

Yin in ma Santiago kintz'ib'aj i wuji; in rajchak i Dios xaq i Ajwal Jesucristo. Kinya rutzil iwach ix kab'lajuj tzob'ajil aj Israel winaq chi ix kichernaq b'i chwach ronojel i jyub' ta'aj.

ZACARÍAS 7:14

Rumali xeinkichersaj b'i pa nimaq taq tinimit chi ike keta'am ti kiwach pacha jun kaqsut tew, chkij kan ike xkanaj i tinimit tz'inilik chi lik mijun winaq kjeqi chik chwach. ¡Jun chom laj tinimit, xwiri ike xki'an kan tz'inilik jyub' chaqij che!”

Ezequiel 20:23

Pa tz'inilik jyub' chaqij lik pinb'i xinb'ij chke chi keinkichersaj b'i pa nimaq taq tinimit re uwach i jyub' ta'aj,

Ezequiel 14:17

We kin-ano chi kpe i ch'oj puwi ronojel i tinimit le xaq kintaq kikamsaxik i winaq xaq i chikop,

Ezequiel 12:15

Are je inkichersam chub'i kiwach pa taq tinimit xaq pa nimaq taq tinimit, kketamaj na chi Yin in Ajwal.

Ezequiel 11:17

Xaq chab'ij chke: Iri are kub'ij i Ajwal: Yin keintzalijsaj na loq che i nimaq taq tinimit le ipa xeinkichersaj wi b'ik, kinmol ni kichi' xaq kinya ni tinimit Israel chke.

JEREMÍAS 29:17

Yin in Ajwal chi ronojel kintiki che kinb'ij: Kintaq li ch'oj, wa'jal xaq k'ax laj taq yob'il piwi. Kin-an ni chiwe pacha i higo chi aynaq chik, lik utz ti chik ktijawik.

JEREMÍAS 25:27

Te'uri xub'ij i Ajwal chwe: Chab'ij chke, yin in Ajwal chi ronojel kintiki che, chi ki-Dios aj Israel, kinya jun taqanik chiwe chi chitu'u k'i uwa'al uva muqb'am k'a kix-ab'ar na xaq kixxab' na, kixtzaq ni pulew xaq kich'ij ti chik walijik, rumal i nim laj ch'oj chi kintaq b'i chiwij.

JEREMÍAS 24:10

Kintaq nu b'i nimaq taq ch'oj pkiwi, wa'jal xaq i itzel laj taq yob'il, k'a kekam ni konojel chi mijun kkanaj kan pa tinimit chi xinya chke ike xaq chke i katit kimam.

Salmos 106:27

lik kuqajsaj ni ki'ij kimuq kixikin xaq keukichersaj nu b'i pa nimaq taq tinimit chkixol i winaq chi kkikoj ti u'ij i Dios.

NEHEMÍAS 1:8

Chk'un chak'ux chi xasaqij che ma Moisés chi we yoj kojmakunik, kojakichersaj uri chwach ronojel uwach i jyub' ta'aj;

Deuteronomio 32:26

Yin lik inch'ob'om te'eq keinkichersaj b'ik xaq kinchup kiwach chwach i jyub' ta'aj.

Deuteronomio 28:36

I Ajwal ku'an ni chawe yet xaq che awajawinel chi katk'am nu b'i che jun tinimit chi aweta'am ti upam xaq keta'am ti aqajaw achuch. Chila lik kakoj ni ki'ij i jub'an chik dios chi je antal ru' che' xaq ru' ab'aj.

Deuteronomio 28:25

xaq kqajsax ni a'ij kumal i ajch'oj chawij. Lik kab'isoj enam chu'anik ch'oj chkij ike lik kixtususik xwiri i anmajik loq to' kichkich chik, lik kkib'isoj ni konojel i winaq chwach i jyub' ta'aj wach taq kak'ulmaj.

Deuteronomio 4:27

I Ajwal kixukichersaj nu b'i chkixol i jalajuj taq tinimit, xa jujun chiwe kekanaj ni pa taq tinimit le.

JEREMÍAS 8:19

I kijilawik intinimit lik ktataj chupam ronojel i nim laj tinimit: “¿Nti b'a chik i Ajwal pa tinimit Sion? ¿Nti chik rajawinel chila?” I Ajwal kub'ij: “¿B'uchak xiqajsaj in-ij chukojik ki'ij i tiox chi lik nti kkichakuj xaq malkatel laj taq tiox?”

ECLESIASTÉS 12:5

I unajtil rij i b'iroxik kuya ni xib'rikil, xaq i pa taq b'e lik xib'in ib'. I almendro kujeq sijanik, i sak' pacha taq jun eqan puwi, xaq i ch'ixch'aq k'ix kuriq ti chik uchak. I winaq k-e chi rachoch ronojel ij saq, i pa taq b'e ktataj chik i o'ej rumal ukamik.

JEREMÍAS 7:29

¡Ix, aj Jerusalén, chik'upij iwi xaq chik'aqa b'ik! ¡Chib'ixaj jun b'ix re b'is chwi pelpaq taq loma! Man i Ajwal mi'naq roywal ku' awinaq, je ro'tam kanoq xaq je uxutum kanoq.

Ezequiel 27:2

Yet, winaq, chab'ixaj i b'ixi re muqunik

AMÓS 5:16

Keje iri kub'ij i Ajwal Dios chi ronojel ktiki che: “Pa ronojel taq k'eb'al o ni o'ej, ronojel xol taq b'e o ni sik' re i k'axk'ol. Kekisik'ij ni i winaq chi je ajchak pa taq es che i b'is, xaq i je aj-o'ej winaq chi lik are kiwach ke'o'ik.

Miqueas 2:4

Che taq i ij le kixb'ixax ni ru' i b'ix re o'ej. Kb'ix ni chiwe: Lik xsachsax qawach qonojel; i qatinimit, are i Ajwal rajaw, lik jalwachim i rajaw xaq lik mijun k-atiwik; ni'pa taq qulew lik jachtal chkiwach i je ajch'akanel chqij.”