JEREMÍAS 7:33 - Wuj Pa K'ubultzij

³³ I kich'akul i kamnaq le kajwax ni re kkitij i tz'ikin chi je ajtijol ti'ij, xaq chke itzel taq chikop xaq lik nti ke'oqtaw b'ik.

JEREMÍAS 7:33 Referans Kwoze

JEREMÍAS 12:9

Intinimit lik keje pacha jun tz'ikin chi lik chom rismal, chi kki'an ch'oj jub'an chik tz'ikin chrij. ¡Iwonojel yix chikop aj pa taq es chixpetoq, chimolo iwib' chutijawik jun nim laj wa'im!

Deuteronomio 28:26

Konojel i k'uch xaq i jalajuj itzel taq chikop kkitij ni ati'lal are at kamnaq chik xaq lik mijun kexib'iw b'ik.

Ezequiel 39:4

Yet, ku' i awinaq chi je yij che i ch'oj xaq i tinimit chi je awachi'ilam, kixkam ni chwi taq jyub' re Israel. Chila kixinjach wi chke k'iyal taq tz'ikin chi ajtijol ti' xaq chke itzel taq chikop aj pa taq es, man keje ile kixkitij b'ik.

JEREMÍAS 34:20

Rumali, keinjach ni pu'ab' i ajch'oj chkij xaq ajkamsanel, xaq i kich'akul i kamnaq le kekitij nu b'i i k'uch xaq i itzel laj taq chikop.

JEREMÍAS 25:33

Ni'pa keukamsaj i Ajwal che i ij le, kejab'krij ni k'a chi taq uchi' ulew jela xaq jewa. Lik mijun ko' ni chke, xaq lik mijun kyakaw ni kich'akul re keumuqu; lik kejab'i ni kan chila chwach ulew pacha taq achaq.

JEREMÍAS 22:19

I umuqik keje na pacha taq umuqik jun axna: Kjukukex nu b'ik xaq kelsax nu b'i pa Jerusalén.”

JEREMÍAS 19:7

Che i k'ijib'ali kin-an ch'aqa taq che i kich'ob'om aj Judá xaq aj Jerusalén. Kin-an na chi lik k-ani tikilem chke xaq kekamsax kumal i je ajch'oj chkij, xaq i kich'akul kajwax ni chke i tz'ikin chi je ajtijol taq ti'ij xaq chke itzel taq chikop.

JEREMÍAS 16:4

Kekam ni rumal k'ax laj taq yob'il xaq lik mijun ko' taq chke xaq mitene kemuqik, lik keteli kan chwach taq ulew, pacha taq achaq. I nimaq taq ch'oj xaq i wa'jal kuk'is ni kiwach ike, xaq i kich'akul i kamnaq ketijaw nu b'i kumal i tz'ikin ajtijol taq ti'ij xaq kumal itzel taq chikop.”

JEREMÍAS 9:22

I kich'akul i achiyab' xejab'krij kanoq pacha achaq pa taq es, pacha rij i trigo chi ktzaq kan chrijil i ajmolonel, chi mijun kmolowik.” Are i Ajwal xub'ij ile.

ISAÍAS 18:6

Ronojel lik ko'tax ni kan chila tzam taq jyub' chke i tz'ikin ajtijol taq ti'ij xaq chke itzel taq chikop. I tz'ikin chila na kki'an wi i sa'ij, xaq konojel chikop aj pa taq es kekanaj ni chila pa alaj.”

JEREMÍAS 14:16

I tinimit ipa kkib'ij wi ile kkam ni rumal i nimaq taq ch'oj xaq rumal i wa'jal, junam ku' kixoqil, kik'ojol xaq i kimi'al. I kich'akul i kamnaq kejab'ix ni pa taq b'e re i tinimit Jerusalén, xaq nti jun kemuquwik. Keje ni utojik kimak ile kin-an chke.

JEREMÍAS 15:3

Yin, chi in Ajwal, kinb'ij iri: Kintaq b'i kajib' jalajuj taq utojb'alil piwi: Kixkamsax ni pa nimaq taq ch'oj, kixkichararej ni tz'i, kixkitij ni i tz'ikin ajtijol taq ti'ij, xaq kixkitij nu b'i i itzel taq chikop.

Ezequiel 29:5

Katink'aq nu b'i pa tz'inilik jyub' chaqij, junam ku' konojel i kar re araqana; kattzaq che i jyub' jamjik, i mijun katuyako re muqb'al awe. Kin-an ni chawe chi katkitij b'i itzel laj taq chikop aj pa taq es, xaq i tz'ikin aj chikaj.

Deuteronomio 8:20

I Ajwal xaq kusachsaj ni kiwach konojel i tinimit chi keiriq yix pa taq b'e, xaq keje ku'an ile chiwe yix iwonojel we kixkojon ti che.

JEREMÍAS 9:21

“I kamik xok pqamuj pqasok, xok k'a pa nim laj rachoch i ajawinel, keukamsaj ak'alab' pa taq b'e xaq keukamsaj i k'ojolab' pa taq k'eb'al.