JEREMÍAS 6:9 - Wuj Pa K'ubultzij

⁹ I Ajwal chi ronojel ktiki che kub'ij: “I aj Israel chi je kanajnaq kanoq lik ketzukux na xaq kkamulix ni kitzukuxik, pacha ukamulixik utzukuxik i uva chwi raqan, chuxol taq u'ab', man keje ile lik mijun chik uva ksach kanoq.

JEREMÍAS 6:9 Referans Kwoze

JEREMÍAS 49:9

Are kuriq i ij re umolik i uva, kkiya kan jujun taq ch'uyaj; are keupon ili'omab' cha'ab', xwi i rajwaxik chke kkik'am b'ik.

JEREMÍAS 16:16

Kin-an na chi kek'un k'iyal taq ajchapol kar chapb'al ke aj Israel, Yin in Ajwal kinb'ij. Chrijil chik ile kin-an na chi kek'un k'iyal taq ajmontiyar re kekichapo xaq kekesaj li chwi taq jyub' xaq chwi taq loma xaq kekesaj li pa taq k'awalaq re i nimaq taq ab'aj.

Apocalipsis 14:18

Are uri xel chal jun ángel ipa o wi i sujb'al sipon, chi kurajawij i a' puwi i sujb'al sipon. Ire xsik'in che i jun ángel chi rok'am i os chi lik o uware, xub'ij che: “¡Chachapa a'os chi lik o uware i chak'atzij taq i ch'uyaj re uwach i uva chwach i jyub' ta'aj man ya rij chik!” Xcha.

JEREMÍAS 8:3

Ni'pa k'a kek'asi kan chke i je utz ti laj taq winaq le, xaipa keriqtaj wi chrijil chik kikichersaxik b'ik, are mas kkitz'uyunej i kamik chwach i k'aslemal. Yin in Ajwal, chi ronojel kintiki che, xinb'iw ile.

JEREMÍAS 11:23

Lik mijun chik kkanaj kan chke i ak'alab' le, man kuriq ni jun ij chi Yin kinya i utojb'alil piwi, yix chi ix achiyab' aj Anatot, kink'am na li k'ax laj taq yob'il piwi.”